MERKEZÊ XEBERAN - Rayberê Şarê Kurdî Abdullah Ocalanî mesajêk seba rojnameyê Komînalî şirawit û va, "Hewcedarî bi xetêka weşanî est a ke mîyanê cuye de cewabê xo vînena, cimatî awan kena û ray û metodanê pratîkî akena."

 

Rayberê Şarê Kurdî Abdullah Ocalanî seba hûmara temmuze ya rojnameyê Komînalî mesajêk şirawit. Mesajê Rayber Abdullah Ocalanî yo bi sernameyê "Ganî tena teorîyê berardişî nê, eynî demî de xetêke awan bikero ke rayîrê pratîkî zî akeno” bi nê rengî yo:

 

"Aseno ke şima hewl danê çarçewayêke teorîk ê xurt awan bikerê. Labelê lazimî demê newe tena munaqeşeyê teorîkî nîyo; lazimî bi xetêke weşanî est o ke mîyanê cuye de cewabê xo vîneno, cimatê bi rêxistin keno û rayîr û metodê pratîkî awan keno. Semedê nê; ez na bawerîye de ya ke ganî şima bi taybetî giranîye bidê serê sernameyanê awankerdişê pratîkî.

 

Serdemêk tarîxî de bi destpêkerdişê wextê neweyî yê weşanî reyde Komînalî neql kerdo ke o nê wezîfeyan gêno milanê xo ser û bi nameyê xo qerardarîyê xo yê seba caardene nê wezîfeyan destnîşan kerdo. O wext weşanê neweyî ganî tena sey xebatêka weşanî nêro vînayîş. Pêwa nê, ganî bibo vengê awankerdişê cimatî, polîtîk û îdeolojîk ê wextê neweyî, bibo hêzê dîyarkerdişê rayîrê serra neweyî."