RIHA – Li taxa Beşog a Wêranşarê, ji bo Berçem Şaşmaz, ku tê gotin di sala 2024'an de di pevçûnekê de jiyana xwe ji dest daye, li navendekê şîn hat danîn. Girseya mirovan ku dirûşmeyên wekî "Şehîd Namirin" û "Jin, jiyan, azadî" çûn navenda şînê û sersaxî xwestin.

 

Komeleya Alîkarî, Piştgirî û Çandê ya bi Malbatên ku Xizmên Xwe li Welatê Qedîm Windakirin (KATDER) bi girseyê çûn şîna   Berçem Şaşmaz, ku tê gotin di sala 2024'an de di pevçûnekê de jiyana xwe ji dest daye.

 

Endamên Tevgera Jinên Azad (TJA), rêxistinên bajar û navçeyan ên Partiya Wekhevî û Demokrasiyê ya Gelan ( DEM Partî) û gelek welatiyan serdana mala şînê kir û ji malbatê re sersaxî xwestin.

 

'Tevî her tiştî, em dibêjin aştî'

 

Di bîranîna li vir de, ji bo kesên ku di têkoşîna azadiyê de jiyana xwe ji dest dane, kêliyek bêdengiyê pêk anîn. Piştre endama KATDER'ê Fatma Akbaş got, "Em şînê dikin, dilê me xemgîn e, lê tevî her tiştî, em dibêjin aştî. Ez sersaxiyê ji malbatên Berçem û Berîtan re dixwazim. Em ê li ser şopa wan bin."

 

'Şehîd Namirin'

 

Piştre, bav Lokman Şaşmaz axivî û got, "Spas ji bo ku hûn êşa me parve dikin. Em ê têkoşîna xwe bidomînin, an serkeftin an serkeftin."

 

Dayik Sureyya Şaşmaz jî got, "Ev rê rêya me hemûyan e, şehîd Namirin."

 

Serdana  bi dirûşmên "Şehîd Namirin", "Bijî Serok Apo" û "Jin, jiyan, azadî" bi dawî bû.