NAVENDA NÛÇEYAN - Xelkê Şengalê bi pêşengiya jin û ciwanan ji bo şermezarkirina komploya navnetewî ya dijî Rêberê Gelê Kurd Abdullah Ocalan û peymana PDK-dewleta Tirk û Iraqê ya dijî êzidiyan meşeke girseyî lidardixin. 

 

Rêveberiya Xweser a Şengalê bi beşdariya hemû sazî û rêxistinên jin û ciwanan, li dijî komploya navnetewî ya dijî Rêberê Gelê Kurd Abdullah Ocalan û peymana 9’ê Cotmehê ya dijî êzidiyan meşeke girseyî li dar xist. 

 

Girseya li ber medreseya Zarîfe Osê (Medresa Sor) a navenda Şengalê kom bûn û ber bi Meclîsa Gel ve meşiyan. Di meşê de pankartek wêneyê Mesûd Barzanî, Erdogan û Kazimî li ser bi nivîsa "Bi civaka demokratîk wê komplo têk biçin" hate rakirin.

 

Di meşa ku bi pêşengiya jin û ciwanan pêkhat de, bi sedan posterên Abdullah Ocalan hate rakirin û dirûşmên "Bijî Serok Apo", "Bijî berxwedana Şengalê", "Bijî Berxwedana Rojava" hatin berzkirin.