NAVENDA NÛÇEYAN - Çalakvana siyasî ya Tunisî Şeymaa Îsa ji bo protestokirina şert û mercên girtina xwe dest bi greva birçîbûnê kir.

 

Bavê girtiya siyasî Şeymaa Îsa bi daxuyaniyek çapemeniyê ragihand ku keça wî duh, ji ber nerazîbûna li hember rewşa xwe ya di hundirê girtîgehê de, dest bi greva birçîbûnê kiriye.

 

Greva birçîbûnê ya Şeymaa Îsa di demekê ku nakokiyên berdewam li ser rewşa wê ya yasayî û şert û mercên girtina wê hene de, her wiha zêdebûna bangan ji aliyê gelek rêxistinên mafên mirovan û siyasî ji bo serbestberdana girtiyan di dozên wekî siyasî de têne dabeşkirin. Rêxistin balê dikşînin ser pêwîstiya rêzgirtina ji garantiyên yasayî û mafên bingehîn ên girtiyan.

 

Şeymaa Îsa di 29’ê Mijdara 2025’an de, dema ku beşdarî xwepêşandanek li navenda paytexta Tunisê bû, ji bo bicihanîna cezayê 20 sal zîndanê ku di doza "komploya li dijî ewlehiya dewletê" de li ser wê hatibû dayîn, hat girtin.

 

Doza Şeymaa Îsa yek ji wan dosyayan e ku vê dawiyê di nav daxwazên ji bo ji nû ve nirxandina prosedurên li dijî wê hatine girtin û darizandineke adil a wê, nîqaşeke berfireh derxistiye holê.