Derheqê ma de
Derheqê ma de
JINNEWS
Cinî bi qelama xo pey heqîqetî yê
Hemverê dinyaya ke zîhnîyetê camêrdan vano "Şima cinî huş bê" ma bi zanebîyayîşêke xurt ê cinîyan ke bi vîr û bawerî vejênê vernî, konê rayîr
Ma mîrasê xeberdarîya rojnamegerê cinî yê ke verê xo de qetî hemverê zulmî sere nêtewênay dewr gênê. Ma serê rêçe vîrê cinî neynike parçe kenê û vatişê xo yê cayê ke mendo de vanê. Ma bi eynî mîrasî hemverê medyaya zayendperest û mîlîtarîst ke cuya ganeyan çin hesibnena xoverdayîşê xo girs kenê.
Rastî serê engişta azadî de bî, xorêsnayîşê rastî azad kerdêne. Nika ma bi JINNEWSî bi waştişê azadî ver bi heqîtetî dir rayîra şênê.
Ma ziwanê camêrdan û sîstemê zayendperestî yê camêrdan leqnenê; ma semedê ke cuyayîşê bi vatişê cinîyan açarnê û serê xete jineolojî de femînîzm vila bikerê nusnenê.
Ma rew ra yo sînorê 'cinîyê meqbûl' derbaz kerdo. Ma bi piştdayîşê cinîyan ke zîhnîyetê camêrdan leqneno dest bi pawitişê xo kenê û bi sloganê "çîyo taybet polîtîk o" kîşte cinîyan, mexdûran pawenê û îfşakerdişê versucan dewam kenê
Ma heme xeberê hemverê dewleta zîhnîyetê camêrdî ke cinî, doman, xoza, gane, nasname û şaran pawenê berpirsîyar ê.
Bi eynî mîras û bi eynî zanayîşî sey Rosa Luksemburg, Zabel Yaseyan, Gurbetellî Ersoz, Emma Goldman, Vîrgînîa Woolf, Ayfer Serçe, Ulrîke Meînhof, Zeynep Erdem, Denîz Firat û Nujîyan Erhane ke waştî nuştişê cinîyan, vatişê înan û rojnamegerîyê cinîyan aver berê. Ma soz danê, sey cinîyê ke verê ma vatê, "camêrdî çi vanê wa vajê ma do nuştişê xo rê dewam bikerê"
Ma estbî, ma estê û ma do estbê!
Cinî bi qelema xo pey heqîqetî yê
JINNEWS, vengê azadî yo
