Oznur Deger

 

ENEQERE - Akademîsyena aştîye Yasemîn Ozgun ke îdianameyê bi waştişê padayîşê HDPyî de ame amadekerdene de derheqê aye de zî qedexeyê sîyasetî ame waştene, dîyar kerd ke semedo ke îmza eşta vilaweka aştîye, derheqê aye de derheqê aye de berat ameyo dayene û pêwa ke nameyê aye îdianameyî de esto û reaksîyon vera dewaya padayîşê HDPyî da.

 

Serdozgerê Komara ya Dadgerî Bekîr Şahînî 17ê Adare de Dadgeha Desturê Bingehîn (DDB) bi waştişê padayîşê HDPyî û semedê 700 kesî re qedexeyê sîyasî bêro, îdianameyêko 609 rîpelî yeno meydan amade kerd. Xeylêk het ra reaksîyon ameyî ramojnayîş û do DDB 31ê Adare de îdianameyî ra biewno.

 

DDB ke do îdianameyî hetê usulî de bierjno, do qerarê ke îdianame bêro qebûlkerdene yan zî ney bido.

 

Mîyan de hemserekê pêroyî yê verê yê HDPyî Fîgen Yuksekdag û Selattîn Demîrtaş û hemserekê pêroyî yê HDPyî Pervîn Buldan û Mîthat Sîncar zî estê, derheqê 700 kesî de waştişê qedexekerdişê sîyasetî yeno waştene.

 

Qerarê beratî zî suc o

 

Madeyêke tewr zêde bale ancenê û sey suc ameyê hesibnayîş xeylê xo prosesê aştîye de ameyê vatene yê. Sewbîna tewrbîyayîşê cenazeyan, tewrbîyayîşê bernameyê 8ê Adare û qiseykerdişê uca zî mîyanê sucdarî de ca gênê. Bêguman nuqtaya tewr zêde bale ancena parlamenterê verî yê Rihayî Îbrahîm Ayhano ke dinyaya xo bedilnayo zî ca gêno. Pêwa nê dosyayê ke ameyê beratkerdiş zî sey sucdarî îdianameyî de ca gênê.

 

Yew nê kesan ra ke qedexeyê sîyasî yeno waştene akademîsyena aştîye Yasemîn Ozgun a. Semedo ke îmza eşta vilaweke aştîye qedexeyê sîyasetî semedê aye zî yeno waştene û balkêş o ke Yasemîne dewaya ameyîne muhakemekerdene zî berat kerda.

 

'Qerarêk şerm o'

 

Yasemîne derheqê îdianame û dewaya padayîşî de ercna û vat: "Ez hem şaş bena û hem zî qet şaş nêbena. Derheqê pêrodayîşê 2015-2016 de ma îmza eşt metnê, 'ma nêbenê hemkarê nê sucî.' Nika derheqê ma de xeylêk kesî de qedexeyê sîyasî yeno waştene. No qerarêk şerm o. Padayîşê partîyêka sîyasî caardişê bêdemokratîkî yo. Semedê hende kesî qedexe ardiş zî rewşêka bêdemokratîkî ya."

 

'Ma bi çîyêke eletewş dir rî bi rî yê'

 

Yasemîne persa ‘qedexeyê sîyasî yeno çi mana kerd' û vat, wexto ke heq û azadî destan ra yeno girewtene behskerdişê qedexeyê sîyasî, bi rastî zî çîyêk qet baş nîyo û wina vat: "Îdianameyî de binê nameyê mi de yeno vatene ke mi îmza eşta metnê aştîye û semedê nê ez ameya muhakamekerdene û beratkerdene. Çîyo ecêb oyo ke, dewa berat kerdê. Gelo eleqeyê nê dewa senî bi padayîşê HDPyî dir esto? Ma komêke akademîsyenî îmza eştibî vilaweke. Gelo HDP ça yê na hedîse de yo? Senî pîya girêdayê ma zî şaş mendî. Kesê ke îmza eştî pêro HDPyijî nêbî û hîn kesê HDPyijî zî îmza nêeştî. Semedê nê tu eleqeyê înan pîya çin o. Nameyê kesê ke dinyaya xo bedilnayî zî îdianameyî de ca gênê. Ma çîyêk eletewşî dir rî bi rî yê."

 

‘îdianame kopî û pêwakerdiş o'

 

Yasemîne dîyar kerd ke îdianame bi sîstemê kopya ameyo amadekerdene û vat: "Kesê ke derheqê înan de dewa esta îdianameyî de ca girewtê. No zî ramojneno ke no çiqas bêdemokratîk o. Padayîşê HDPyî çiqas demokratîk o, no qerar hemverê azadîya fikr û fehmî yo, hemverê awankerdişê partîyanê sîyasîyan o. Ez rojname ra musaya ke nameyê mi îdianameyî de ca gêno. No rastî de zî çîyêko nîno qebulkerdene yo."