ÎZMÎR - Cinîyan reaksîyon vera padayîşê HDPyî dayî û dîyar kerdî ke partîya neweya ke bêra awankerdene zî do verê ra tewr xurt ba û wina vatî: "Mimkun nîyo ke no tevger bêro vindarnayîş."

 

Serdozgerîya Komara ya Dadgerî ra semedê padayîşê HDPyî muracatê Dadgeha Desturê Bingehîn (DDB) kerd. dimayê nê hewldayîşî zî her ca de reaksîyon yeno ramojnayîş.

 

'Mimkun nîyo ke no tevger bêro vindarnayîş'

 

Mamosteya teqawîte Nezîhe Agace: Gelo ê vanê HDP bêro padayîş do yew bîn nêro akerdene. Nameyê 687 kesê ke ameyê eşkerakerdiş pêro HDPyij ê. Gelo vindarnayîşê nê tevgerî mimkun o, padayîşê partîyan, dayîşê qedexeyan çîyêk nêdano qezenckerdiş. Dimayê ke partî bêro padayîş, do hîna xurt abibo. Vistişê parlamenteran, padayîşê HDPyî, bi qerarêk pêkerdiş ra antiş, yewbînan ra dûr nîyê û girêdayê yewbînan ê.

 

'Hûmara parlamenterê cinîyan bi HDPyî zêde bi’

 

Oyo ke meclîs de hûmara cinîyan zêde kerdo HDP yo. Na rewşe de Tirkîya îtîbar qezenc kerd. Bi padayîşê înan, meclîs ra vetiş nêeşkenê vernîya ci bigîrê. Bi nê nêeşkenê zirar bidê. Bi terorîzekerdişê HDPyî nêresenê cayêke. Ma AKP û MHPyî ra êdî çîyêk nêpawenê. Wexto ke babete bena HDP heme kewenê rayîrê pêkerdişî.

 

'Muhakeme ame pelçiqnayîş'

 

Heq nêmendo, heme heqî yenê xespkerdene. La no wina dewam nêkeno. Gelo dewletêke eşkena vajo ez rayanê weçînatoxan nas nêkena. Gelo ma do bi desturê înan rayan bixebitnê. Hukm, xoser nîyo, bi destê yew kesî yeno caardene. Serekê meclisî profesorê huqûqî yo, la meclîs hukm pelçiqna. Eke temelê huqûqî de însan çinbo o huqûq nîyo.

 

Îqtîdar bîyo hêrişkar

 

Karkera teqawîte Semra Kîraz: Padayîşê partîyan çareserî nîya. Wa tu partî nêro padayîş. Hewl danê ke rojeve bivurnê. Hewl danê partî padê la no rast nîyo. Ma welatêke azad de nêciwîyenê û ma nêeşkenê vatişê xo bi azad vajê. Şewêke de qanûnî yenê vetiş û wazenê partî padê. Muxalefet şaşî keno. Sindoqan de semedo ke ma tedbîr girewtibi nêeşkabî çîyêk bikerê. Îqtîdar zano ke rewşa înan baş nîya û coka hêriş keno.

 

‘HDP şar o'

 

Zelal Eglentî: HDP tena awanîyêke nîyo. HDP şar o. Her partîya ke ameya padayîş, tewr xurt awan bena. Amancê ma oyo ke ma xo bidê qebulkerdene. Ganî muxalefet hemverê padayîşê HDPyî vejîyo û reaksîyon ramojno.

 

'Ganî hemverê AKPyî yewîye bibo'

 

Buşra Kaya: Çiqas tewirê partî bibê hende demokrasî rê baş o. Ez vistişê parlamenterîyê Omer Faruk Gergeroglu rast nêvînena. Demokratîk nîyo. Bi padayîşê HDPyî dir rayî AKPyî rê nêvejênê. Do padayîş tewr xurt bikero. Ganî weçînitoxê HDPyî bibê yew. Ganî hemverê AKPyî bibê yew, semedo ke çareyêk bîn çino. Wa HDPyî ney, wa MHP û AKPyî padê.