STENBOL - Avûkatanê Rayberê PKKyî Abdullah Ocalanî seba ke muwekîlê xo siba bivînê Serdozgerîya Komare ya Bursa rê muracat kerd.

 

Avûkatanê Rayberê PKKyî Abdullah Ocalanî Razîye Ozturk, Nevroz Uysal, Mazlûm Dînç û Îbrahîm Bîlmez seba ke muwekîlê xo siba bivînê Serdozgerîya Komare ya Bursa rê muracat kerd.

 

14ê adare vilabîyayîşê îdîayanê serê weşîya Ocalanî ra nata avûkatan, wasî û keyeyî 12 reyî muracatê Wezaretê Edaletî û Serdozgerîya Bursa, 2 reyî zî muracatê CPTyî kerd.

 

Bi bahaneya 'Xerîtaya  Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) pêvînayîşî ameyêne astengkerdene. Qedexe 23ê adare de qedîya la cewab nêdîya muracatê avûkatan.

 

Rayberê PKKyî 25ê adare de wexto ke Mehmet Ocalanî reyde pê telefonî qisey kerdêne telefon birîya.