AMED - Serê sibayî polîsan Amed de eşt serê xeylêk keyeyan û muxabira ma Berîtan Canozer zî mîyan de 22 cinî ameyî destbendkerdene. Derheqê cipersayîşî de qerarê nimte ame dayene.  

 

Serdozgerîya Komara ya Amedî, bi îdîayê “Binê nameyê xebata qanûnî de, xebata cinîyan ê rêxistinî ca girewtene de, pêvînayîşê rêxistinî kerdene de, rayrayîş û kombîyayîş kerdene de" derheqê 33 cinîyan de qerarê destbendkerdişî da. Bi qerarê serdozgerîye, polîsan saetê siba de, eşt serê Komeleya Cinan a Rosa ya qezaya Peyasî ya Amedî de ya û xeylêk adresê bînan de. Dimayê cigêrayîşê ameyî kerdene de 22 cinî ameyî destbendkerdene. Avûkatan dîyar kerd ke derheqê cipersayîşî de qerarê nimtene ameyo dayene.

 

Nameyê kesê ke ameyê destbendkerdene: Aktivîstê Tevgerê Cinîyan ê Azadan (TJA) Zelal Bîlgîn û Sevîm Bîçîcî, hemşaredara Çinarî Necla Tamrîş, endama Heyetê Îdarekarê Merkezî yê Partîyê Herêmê Demokratîk (DBP) Zeynep Uren, hemsereka DBPyî ya şaristanî Seval Gulmez, şêwirmenda parlementera Partîya Demokratîke ya Şaran (HDP) ya Amedê Remziye Tosun; Gurbet Ozel, muxabira ma Bêrîtan Canozer, Endama Dayikê Aştiye Nezahat Teke, endama Akademîya Cinîyan ê Amedî Fîgen Aras, hemsereka HDPyî ya Peyasî ya verê Besîle Narîn, endamê Meclîsê Şaredarîya Şaristanê Girdî ya Amedî Bahar Karakaş Ûlûg, Şehrîban Zogûrlî û Ruken Bekalp, hemsereka MED-DERî Şîlan Kan, endama MYKyî Meclîsê Cinîyan ê Sosyalîst (SKM) Satiye Ok, Nûrşen Akbal, Sekretera Cinîyan ê verê ya Şubeyê Sendîkaya BTSyî Bahar Karakaş Ulûg, Sevîm Bîçîcî, Nûrşen Akbal, Ayşan Kanuş Zengin û Leyla Akgul zî mîyan de 22 cinî ameyî destbendkerdene.