AMED - HDPyî seba ke bale bianco serê grevê vêşanîye yo ke vera tecrîdê serê Rayberê PKKyî Abdullah Ocalanî yeno kerdene, Parka Koşuyolu de çalakîya roniştişî kerde.

 

Rêxistina HDPyî ya Amedî seba ke bale bianca tecrîdê vera Rayberê PKKyî Abdullah Ocalanî û grevê vêşanîye yê tepişteyan ser verê Vîrdarîya Heqanê Merdiman a Parka Koşuyolu de eşkerayîye organîze kerde.

 

Xeylêk îdarekar û endamê TJA, DBP, HDP, TUAY-DERî tewrê çalakîye bîyî.

 

Polîsan parke girewte binê ablûqa ke eşkerayîye bêro astenkerdene la grûbe çalakîya roniştişî kerde û bale ante tecrîdê Îmraliyî û grevê vêşanîye ser.