ENQERE - Hemsereka Pêroyî ya HDPyî Pervîne Buldan dîyar kerd ke HDP hêzê awankerdişê cuya azad o û vat: "Semedê cesaretê şima û bawerîya şima ya bi HDPyî ez şima pîroz kena. HDP rayîrêke bo şima zî kedkarê ê rayîrî yê. Şima nika ra ameyoxê partîya ma dîyo."

 

Hemsereka Pêroyî ya HDPyî Pervîne Buldan kombîyayîşê hemserekanê şaristanan de qisey kerd. Pervîne bale ant serê tewrbîyayîşê, Hemserekê Bajaran ê kombîyayîşî û wina xitab kerd: "Şiêa hêz da hêzê ma, cesaret da cesaretê ma. Ma serdemêko girîng dir derbaz benê. Ma do bi qerardayîşêke pîl têkoşînê demokrasî xo bikerê. Semedê nê wezîfeyêk pîl dayê serê milê xo.

 

'HDP hêzê awankerdoxê cuye yo'

 

Pervîne dewamê qiseykerdişê xo de wina vat: ''8ê Adare û Newroze de cinîyan îradeyê xo reyna mojna û herikîyayî waran. Cinîyan reyna îsbat kerd ke faşîzm pê têkoşînî rijîyeno. Cinîyan de teredut, ters çin ê qerardarî û bawerîye estê. Bi taybetî ê zîndanan ez pêro embazan ê cinîyan selam kena. Êyê ke mesajê Newroze û 8ê Adare nêdî, sandiqan de do bin bikewê.

 

HDP vilikêka cu ya. HDP temsîlîya cuya têdûşt û azad a. HDP vera faşîzmî serfîrazîya demokrasî û vengê haştîye yo. Îqtîdar pê hemkaranê xo fikirîyeno ke HDP senî tasfîye bikero.La heta nika ê ser nêkewtî û do ser nêkewê. Înan a dewaya qefilnayîşê HDPyî zî vera îradeyê şarî akerde. Ê wazenê pê qefilnayîşê HDPyî pêro Tirkîya biqefilnê û rejîmê faşîzmî ronê.

 

'Sebeno wa bibo ma do rayîrê xo ra agêrê'

 

Înan welat de krîzê ekonomî vist asta tewr berze, dest na wekilîya Omer Faruk Gergerlîogluyî, embazê ma tepiştî, Peymana Îstanbulî wedaritî. Ê vanê qey cinîyî do pê înan nêeşkê. La cinîyî têkoşînê xo rê dewam bikerê. Ma do nêverdê ke ê Peymana Îstanbulî fesh bikerê. Seba ke ma eşkenê saltanatê înan çin bikerê hêrişê ma kenê. Ma zanenê ke ma hedefê înan de yê. Se beno wa bibo ma do rayîrê xo ra anêgêrê. Ma do vera nê zulmî milê xo çewt nêkerê. Eke ma xo ver bidê û têkoşîn bikerê do ser bikewê.

 

Ma do serbikewê

 

Rojdemê îqtîdarî de qefilnayîşê HDPyî rojdemê ma de zî şar û dewaya edaletî estê. Îqtîdar ho peynîya xo ano. Hêrişê înan îsbatê ney ê. Ma do vera qefilnayîşê HDPyî şarê xo reyde rayîra xo ra dewam bikerê û bibê îqtîdar. Ma do îtîfaqê demokrasî û sîyasetê rayîrê hîrêyînî pîl bikerê. Ma do rayîrêk bivînê yan zî bibê rayîrêk. No rayîr rayîrê haştîye yo.

 

Wext wextê tersnekan nê çêran o. Ma do pîya ser bikewê. Wisarê demokrasî nêzdî yo, wa rayîrê ma akerde bo û Xizir hetkarîya ma bikero.''