Medya Uren

 

MÊRDÎN - Alî Aslan ke 61 serre yo û Zîndanê Mêrdînî de ameyîne tepiştene, netîceyê sereştişê koguşan de pêwa embazanê xo ame surgunkerdene. Cinîya Alî, Xalîse Aslan derheqê surgunî de dîyar kerd ke Alî ameyo remnayîş û nika zî mîyanê şert û mercê xiraban de maneno. Xalîse dîyar kerd ke pêro tepişteyî tecrîd de yê û înan dir keyeyî zî yenê tecrîdkerdene. Xalîse, vengdayîşê peynîkerdişê tecrîdî kerd.

 

Zîndanê tirkîya û vakur de her ke şino binpaykerdişê heqan zêde beno. Pêwa ke tepişteyê sîyasî hemverî nê 134 rojî yo çalakîya grevê vêşanîye ya bidor û bêdem dayê destpêkerdene zî vurnayîşêke nêameyo kerdene û her ke şino rewşe giran bena. Tepişteyo sîyasî Alî Aslano 61 serre yo û Zîndanê Mêrdînî de ameyîne tepiştene, surgunê Zîndanê Tîpê T yê Amedî ame kerdene. Alî Aslan ke demêk hemserekîya qezaya Qoserî kerdêne, xeylêk rey ameyo destbendkerdene û tepiştene. Tewr peyîn verê serrêke ame tepiştiş û Zîndanê Mêrdînî de ameyîne tepiştene. Verê 3 mengan zî pêwa embazanê xo surgunê Zîndanê Tîpê T yê Amedî ame kerdene. Alî û embazê xo koguşêke de yenê tepiştene. Cinîyan Alî Aslan, Xalîse Aslan derheqê babete de wina vat: "No êdî surgun nîyo, remnayîş o. Zordestî yo. Ma na rewşe ra zaf dejayî. Kerdoxê ke kenê tecrîd o."

 

'No remnayîş û zordestî yo'

 

Cinîya Alî Aslan, Xalîse Aslan sere de qalê surgunê tepişetyan kerd û wina vat: "Zîndan de zî erzenê serê koguşê tepişteyan. Hûmarêka zêde tepişteyî zîndan ra ameyî surgunkerdene. Her yew hetêke ra erşawitî. Alî û 2 embazê ey erşawitî Zîndanê Tîpê T yê Amedî. No êdî surgun nîyo, remnayîş o. Zordestî yo. Ma na rewşe ra zaf dejayî. Kerdoxê ke kenê tecrîd o."

 

'Ê yenê tecrîdkerdene'

 

Xalîse dewam de wina vat: "Înan remnayê û zîndanê ke berdê zî baş nêzdî nêbenê. Mengêke yo çay û hacetê ke pê çay bişimnê nêdayê. Sewbîna hetê werd û şimitişî de zehmetîyan vînenê. Nêeşkenê kantîn zî bixebitnê. Xeylêk rey werdê ke înan rê yenê dayene, nînê werdene. Ê wazenê kantîn ra çîyêk bigîrê la destûr nîno dayene. Destûrê sporî zî nîno dayîş. Emrê Alî pîl o eke nêro tedawîkerdene û spor nêkero do rewşa ey xirab bikero."

 

'Ma do hemverê tecrîdî têkoşîn bikerê'

 

Xalîse tewr peyîn qalê grevê vêşanîye ya hemverê tecrîdo ke ameyo destpêkerdene kerd û wina qedêna: "Tecrîd sucê merdimayî yo. Caardişê tecrîdî nîşaneyê ci yo ke welat de ne dad ne zî demokrasî mendo. Tecrîd sewîyeyê tewr berzî yê îşkence û zordestî yo. La ganî ma hemverê nê kerdişan reaksîyon ramojnê. Ma cuya xo verê berê zîndanan de derbaz kerd. Cuya ma ya menda zî hemverê tecrîdî bi têkoşîn derbaz bibo. Ma do tim têkoşîn bikerê û xo ver bidê."