Derya Ren

 

RIHA - Serêkanî de pesê koçeran hetê TÎGEMî ra ameyî desteserkerdene. Koçeran dîyar kerd ke bi serran o serê na herre de ciwîyenê û vatî: "Yewin çimeyê debara ma pesdewarî yo. Pêwa dewlete nê zana, hewl dana ma cayê ma ra bikera."

 

Rojê vîyarte de Serêkanîyê Rihayî de welatijê ke mêrgê nêzdîyê meydanê ramitişî yê girêdayê Mudurîyetê Pêroyî yê Kargerîyê Ramitişî (TÎGEM) pesê xo çêrnayîne, pesê kesêke hetê cenderme û asayîşê TÎGEMî ra ameyî desteserkerdene. Koçeran dîyar kerd ke pesî berdê kargerîyê girêdayê TÎGEMî û uca de vêşan û têşan ameyê verdayene. Welatijan dîyar kerd ke semedo ke pesê xo bigîrê muracat kerdê la TÎGEMî pereyê ewnîyayîşê pesî waşto.

 

Koçerê ke dewa Hamîdaş de ciwîyenê dîyar kerdî TÎGEM bi nê polîtîkayî hewl dano ke şar ceza bikero û vatî, ê bi serran o serê na herre de ciwîyenê û îqtîdar ganî goreyê nê game bierzo.

 

‘Leşkeran dest da serê pesî'

 

Dewijan ra Zehra Kara dîyar kerd awe û ceyran çin o la mecbûrê tîya biciwîyê û vat: "Bi 40 serrî yo ma tîya ciwîyenê. Awe û ceyranê ma çin o. La ma cuya xo dewam kenê. Wexto ke ma pesê xo vera danê mêrge, leşker yan gênê yan zî hêrişê ma kenê. Ma nêzanê se bikerê. Ma tîya ra şêrê, ma do vêşan bimirê. Pes ma mird keno. La dewlete nêverdana ke ma biçêrînê. Pêwa nê nêverdenê ma derûdorê keyeyî ra berê cayêke bîn. Pesê ma vêşanî ra do bimirê."

 

‘Hewl danê ma wareyê ma ra bikerê'

 

Zehra dewam de wina vat: "Tutê ma her wext nêweş kewenê. Nêweşxane dûrî yo. Ma zehmetî ancenê. Ersa dayî xeylêk cîrananê ma la erjê erseyan çin o. Ma koçer ê. Ma nêeşkenê cuyêka normal biciwîyê. Semedê ma herre çinîbo, cuye zî çin a. Ganî dewlete nê bizano. Pêwa nê ma wareyê ma ra kenê. La ma nê qebûl nêkenê."

 

'Gelo ma rê guna nîyo'

 

Eynî dewe ra Vetha Demîr zî dîyar kerd ke ê bi tehdîdê ke TÎGEM pesê înan desterser bikero dir rî bi rî yê. Bi nê tehdîdan koçberî ferz kenê. Îqtîdar wazeno ke ma tîya ra vejîyê. Ma tîya ra nêvejênê. Wa ma bikişê. Heywanê ma vêşan û têşan axur de yê. Gelo guna nîyo. Ma çi rewşe de yê wa bêrê bîvînê. Ne awe esta û ne zî ceyran. Ma awe bîr ra ancenê. Hem ma hem zî heywanê ma eynî awe ra şimnenê."

 

‘Şertî xirab bê zî no ca wareyê ma yo'

 

Vetha zî dîyar kerd ke hamnanî şertî hîna tewr xirab benê û vat pêwa negatîfan xover danê û wina qedêna: "Şima zî ma vînenê. Mêrgî çinbê, cuya ma vindena. Ma na herre de ameyê dinya. Ma tîya ciwîyenê. Ma fek herre xo ra vera nêdanê."