STENBOL - Aktivîsta Îranije Nasîbe Şemsaî ya ke qezaya Kadîkoyî de ciwîyayîne û keyeyê aye de hêriş ci rê amebi kerdene, dimayê hêrişî ra xebere ci ra nîna girewtene.

 

Îran de 2017ine de “Çalakîyê Çarşemo Spî” hetê cinîyan ra amebi destpêkerdene. Aktivîste Nasîbe Şemsaî zî semedo ke tewrê çalakîyan bîbî 12 serrî cezaya zîndanî ci rê amebi birnayene û Nasîbe semedê cezaya zîndanî remabî Tirkîya. Nasîbe wexto ke amebî Tirkîya Teyaregehê Stanbolî de amebî destbendkerdene û aye erşawitibî Merkezê Peyser Açarnayîşê Edirneyî û uca de amebî bicakerdene.

 

Avûkatê Nasîbe Kurtuluş Baştîmar serê medyaya dîjîtal de zanayîş da û vat: "4 kesê ke nasnameyê înan nêdîyar bi hêrişê keyeyê Nasîbe kerdî û o wext ra heta nika xebere Nasîbe ra nîna girewtene."