MERKEZÊ XEBERAN - Koyê cemedî ê tewr gird ê dinya A68 helîyaye û ame eşkerakerdene ke parçe parçe bîyo.

 

Ame vatene ke koyê cemedî ê tewr gird ê dinya A68 helîyaye û parçe parçe bîyo. Daîreya Cemedî ya Neteweyî ya Amerîka derheqê babete de eşkerayî da û da zanayene ke koyê cemedî parçeyê hurdî hurdî ê bêhûmare bîyo û êdî nîno taqîpkerdene.

 

A68 wexto ke temmuza 2017î de sînorê Antarktîkaye de sahaya parzemînê Larsen Cyî ra qerifîya, qasê 5 hezar û 800 kîlometreyan sey çargoşeyêk gird bî. Serra verêne aşma qanûne de ame vatene ke yew îhtîmal esto ke koyê cemedî Girava Georgia ya Başûrî ya başûrê Antarktîkaye bikewo û la dima ra semedo ke koyê cemedî parçe parçe bî no tehluke raşte ra wedarîya.

 

Xeylê zanistê cemedî dîyar kerdê ke qerifîyayîşê A68î ‘prosesêko xozayî’ yo û dayî zanayene ke semedo ke nizm o helîyayo.