RIHA - Emîne Şenyaşar û Ferît Şenyaşaro ke 45 rojî yo nobeta ‘edaletî’ de yê vera bira 'nimite' ya serê hêrişê nêweşxaneyî nêrazîbîyayîşê xo mojna û mesajê xoverdayîşî da.

 

Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî, lajê xo Ferît Şenyaşarî reyde 45 rojî yo verê Edlîyeya Riha de nobeta edaletî de ya.

 

Emîne Şenyaşar û Ferît Şenyaşarî şewdir rew dest pê çalakîya nobete kerd. Keyeyî medyaya dîjîtale ser o eşkerayîyêke daye û vera bira 'nimite' ya serê hêrişê nêweşxaneyî nêrazîbîyayîşê xo mojna.

 

Keyeyê Şenyaşarî dîmenê şiwaranê Emîne Şenyaşar par kerdî û vat: ''3 serrî verî Nêweşxaneyê Pirsûsî de 3 merdimî ameyî qetilkerdene. Ma waşt ke dosya ra bira nimite bêra wedaritene. La huqûqê ê xurtan waştişê ma qebul nêkerd.

 

Nika dore dora Mehkemeya Qanûnê Bingeyî ya. Heta ke na mehkeme waştişê ma bîyara ca ma do xoverdayîşê xo rê dewam bikerê. Ma do tîya ra nêşorê.''