COLEMÊRG - Şemzînan de tutêk bi bahaneyê “parekerdişê medyaya dîjîtalî' de hetê polîsan ra ame destbendkerdene.

 

Taxa Bêdarî (Moda) ya qezaya Şemzînanî ya Colemêrgî de serê sibayî polîsan eşt serê keyeyê tutêkê 14 serrî û tut ame destbendkerdene. Sereştişê polîsan de cigêrayîşê keyeyî ame kerdene, ame zanayîş ke tut bi bahaneyê “Parekerdişê medyaya dîjîtalî” ra ameyo destbendkerdene.

 

Goreyê zanayîşê ke ameyê girewtene, tutî berdê Mudurîyê Polîsan ê Şemzînanî û dimayê karê tutî Mudurîyê Polîsan de biqedîyo, do tutî sewqê Serdozgerîya Komara ya Şemzînanî bikerê.

 

Sewbîna ame zanayîş ke tut lajê Hemserekê Partîya Demokratîke ya Şaran (HDP) ê qezaya Şemzînanî yê verê, Cabbar Taşî yo.