RIHA - Çalakîya nobeta edaletî ya Emîne Şenyaşar ke têkoşînê xo yê “Edaletî” semedê qedexeyê tebervejîyayîşê kuçeyan keyeyê xo de dewam kena, kewt roja 55ine.

 

Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî lajê xo Ferît Şenyaşarî reyde 55 rojî yo çalakîya xo dewam kena. Emîne û Ferît semedê qedexeyê tebervejîyayîşê kuçeyan çalakîye xo keye de dewam kenê.

 

Keye, bi 55 rojî yo nobeta xo ya "edaletî" dewam keno, serê hesabê xo yê medya dîjîtalî de dîmenê hêrişê hemverê ambulanse ke demo merdimê înan ameyê qetilkerdene pare kerd. Parekerdiş de wina ame vatene: "Eke ambulansa nêweşxaneyî kerdî na rewşe; do tu kes nêwazo rewşa nêweşxaneyî bivîno. Pîyê mi serê lingan de şi nêweşxane û bi rayîrê lînçkerdişî ey kiştî. Serê hedîse ra 3 serrî derbaz bi la hem azî tu kes nêameyo tepiştene. Wezîrê Edaletî çi dir eleqedar o?"