Rojda Aydin

 

ŞIRNEX - Qezaya Elkî bi ameyîşê wisarî dir gulaleyî (Guldexwîn) akerd û weşikîya xo dayî koyan. Gulaleyê ke bi weşikîyê xo namdar ê, coş û kêfweşîyêk pîl danê zerrîya welatijan û rastê eleqeyêk pîl yenê.

 

Dinya de bi hezaran vilî estê. Her yew bi teybetmendîyê xo yenê naskerdene. Nînan ra yew zî Gulale ya. Welatê wareyê Gulaleyan Anatoliya û Mezopotamya yo. Koyê qezaya Elkî yê Şirnexî zî dimayê ke vewre helîya gulaleyê ke bi weşikîya xo herca xemilnayî. Zerrîya kurdan de zî mîyanê bi hezaran gul û vilikan de tewr zêde ver bi çiman de yê Gulaleyî bi xo yê. Mîyanê Kurdan de, zozan û koyê Kurdistanî yê berz cayêk Gulaleyan ê taybet esto. Gulaleyî ke hîn cayê Kurdistanî ci ra vila çewit zî yena vatene, bi xeylêk nameyê bîn zî yena binamekerdene û ci ra Guldexwîn û Şile zî yena vatene. Na gula namdar reya ewil herêma Şemzînan û Colemergî de ameya kifşkerdene.

 

Emrê Gulale kilm o

 

Gulale koyê berzan de vejêna. Emrê Gulale zafkilm o û tena nêzdîyê hîrê hewte taze manenê. Gulale mewsîmê wisarî de bi rengê sûr û zerd abenê. Sewbîna na Gula namdar û bedew e turîstê ke yenê herême û welatijê herême ci rê sermest benê. Gulaleyê ke tewr zêde Şirnex û Colemêrg de yenê vînayene, Êlih, Dersim û Wan de zî benê zergûn. Sewbîna hîn cayen de na gule ra gula xemgîn zî yen avatene.

 

Kesê ke sey turîstan yenê herême zirarêk pîl danê gulaleyan û aye kok ra wedarnenê. Semedo ke gulaleyî nêrê çinkerdene û zirar nêvînê ganî bêrê pawitene.