EQERE - Roniştişê 2yîn ê Dewaya Kobanî de hemserekê HDPyî yê pêroyî zî mîyan de ca gênê û 108 kesî yenê muhakemekerdene, ewro  Kampusê Zîndanê Sîncanî de yeno kerdene. Verê ke roniştiş dest pêbikero, rojnamegerê ke waştî bikewê eywana roniştişî, bi bahaneyê ke qertê înan ê çapemenîye zerd çin o, nêkerdî eywane.  

 

2yîn roniştişê dewaya Kobanê ke Hemserekê Pêroyî yê Partîya Demokratîke ya Şaran (HDP) yê verê Fîgen Yuksekdag  û Selahattin Demirtaş zî mîyan de 28 kesî tepişte, pêroyî 108 kesî yenê muhakemekerdene, ewro Kampusê Zîndanê Sîncanî ke 22yîn Dadgeha Cezaya Giran ya Enqereyî de bêro vînayene.

 

Pêwa ke amebi dîyarkerdene do dewa saete 09.30 de dest pêbikero, bi bahaneyê eywana roniştişî de "cigêrayîşê bomba" yeno kerdene, dekewtişê eywane Dimayê cigêrayîşî ke ame kerdene de polîsan, rojnamegeran ra qertê çapemenîye zerd waşt. Pêwa ke rojnamegeran qertê xo yê çapemenîye zî nîşan dayî, polîsan vat ke şima sey rojnameger ney la sey temaşekerdoxan eşkenê dekewê eywane.