RIHA - Emîne û Ferît Şenyaşar yê ke 9ê Adare ra verê Edliyeyê Rihayî de çalakîya "edaletî" dewam kenê û vatî: "Wa kes gunayê nê qirkerdişî nêgîro serê xo. Kesê ke qirkerdiş kerdê dîyar ê." Bi kuyayîş hetê polîsan ra ameyî destbendkerdene.

 

Polîsan, Emîne Şenyaşara ke mêrde û di lajê ci hetê pawitox û merdimê Parlamenterê AKPyij  Îbrahîm Halîl Yildiz ra ameyî qetilkerdene û lajê ci  Ferît Şenyaşar hêriş de bi birîndarî xelas bibi, bi kuyayîş destbend kerdî. Ame dîyarkerdene ke dayîka Emîne û lajê ci Ferît Şenyaşar bi îdiayê “Heqaret wezîfedarê selahîyetdaran kerdê' ameyê destbendkerdene.

 

Bi kuyayîş ameyî destbendkerdene 

 

Dimayê çalakîya Emîne û lajê ci Ferît Şenayaşar bi kuyayîş ameyî destbendkerdene. ameyîne pawitene ke Hemsereka Pêroyî ya HDPyî Pervîn Bûldan saete 11.00ine de bişîne serdayîşê Emîne û Ferîtî. 

 

Ame zanayîş ke Emîne û Ferît ke ameyî destbendkerdene do berê emnîyet. Sewbîna rojnamegerê ke semedê taqîbkerdişî şî verê edliye GBT ra ameyî derbaskerdene.