RIHA - Emîne û lajê ci Ferît Şenyaşar 75 rojî yo çalakîya xo ya nobete dewam kenê. Keye, bi rayîrê medyaya dîjîtale vat: "Hemverê zulmî ma bêveng nêmanenê û ma edalet wazenê."

 

Emîne Şenyşara ke mêrde û di lajê ci serra 2018 de hêrişê pawitox û merdimê Parlamenterê AKPyî yê Rihayî Îbrahîm Halîl Yildiz de vinî kerdî, bi lajê xo Ferît Şenyaşarî dir çalakîya xo bi waştişê “Edaletî” roja 75ine de dewam kerdî. Keyeyê Şenyaşarî semedê qedexeyê vejîyayîşê kuçeyan, çalakîya xo keyeyê xo yê Pirsûsî de dewam kerd.

 

Keyeyî, serê hesabê xo yê medyaya înternetî de fotografê ambûlanse ya Enver Yildiz û Halîl Yildiz yê birîndarî ci de bî û rastê hêrişê pawitoxê û merdimanê wekîlê AKPyî Îbrahîm Halîl Yildizî amebî pare kerd û no mesaj şawit: “1- Şer de zî hêrişê ambûlansan nîno kerdene. (Forografê ambulansa birîndarî ci de bî) 2- Belgeyê fermî yê ke qeydê vengê birayê parlamenterî (Îtîrafê mudaxelekerdişê muhakemeyî) Kiştişê 4 merdiman problem nîyo, dimayê serebûtî, Parlamenter Yildiz tewr zêde bi hêz bi! Ma edalet wazenê. Ma do vera zulmî bêveng nêmanê."