MERKEZÊ XEBERAN - Dadgehêke Îranî cezaya 2,5 serrî zîndanî û kuyayîşê 80 qamçî pawitoxê heqê merdiman Nergîs Mûhammedî da.

 

Nergîs Mûhammedî ke hetkerê Sereka Merkezê Pawitoxê Heqê Merdiman o, semedo ke hemverê cezaya daliqnayîşê kampanya viraşt û vernîya zîndanan tewrê çalakîyê roniştişî bî, sucdarî ame vînayene.

 

Nergîse, vernîya nika bi 16 serrî cezaya zîndanî ci rê amebi birnayene û dimayê ke 5 serran zîndan de ameye verdayene, amebî veradayene. Nergîse, dimayê ke zîndan ra vejîya, karê xo yê semedê heqê merdiman dewam kerd. Nergîse bi muxalefetê xo yê şîdetî hemverê cezaya daliqnayîşî yeno naskerdene.