AMED - Çarçewaya kampanya ke ziwanê kurdkî bibo ziwanê fermî û pê perwerde bêro dayene de Amed, Wan û Cizîr de mîtîng bêrê organîzekerdene.

 

Kampanya ke Komîsyonê 21ê Sibate ya Platformê Ziwanê Kurdkî û Torra Ziwan û Kulturê Kurdkî ame destpêkerdene, bi waştişê, “Ziwanê kurdkî bibo ziwanê fermî û pê perwerde bêro dayene” 22yê sibate de dabî destpêkerdene, dewam keno. Çarçoweya kampanya de komîsyonî qerar girewt ke Amed, Wan û Cizîr de mîtîng organîze bikero.

 

Do mîtîng bi sloganê, “Wa ziwanê kurdkî bibo ziwanê fermî û pê perwerde bêro  dayene” û “Wa seserra 21ine bibo seserra ziwanê kurdkî” bêro organîzekerdene. Mitîngo ewil 3ê hezîrane de Cizîr de bêro kerdene. Do komîsyon bi eynî sloganê 4ê hezîrane de Wan de û  7ê hezîrane de zî Amed de mitîng viraznê. 

 

Do mîtîng de qalê girîngiyê kampanya ziwanî bêro kerdene. Semedê mîtîngê Wan û Cizîrî muracat ameyê kerdene û semedê mîtîngê Amedî zî do 31ê gulane de muracat bêro kerdene. Şaristanê ke  mîtîng do bêro kerdene de xebate ameye destpêkerdene. Hewteyê bêro de bi kombîyayîşê çapemenîye de mîtîng bêro neqlkerdene.