AMED - Qezaya Pîranî ya Amedî de şewato ke operasyonê leşkerî ra vejîya, 8 rojî yo dewam keno. Şewato ke ci rê mudaxele nêno kerdene resa dewanê Xarpêtî.

 

Dima ke dewa Pirejmanî ya Pîranî de operasyono leşkerî dîya destpêkerdene Koyê Gorese de 1ê hezîrane de şewat vejîya. Şewato ke ci rê mudaxele nêno kerdene resa dewanê Arica, Bahçekapi û Çevrecîkî yê Xarpêtî. Hemwelatîyî kenê ke pê îmkananê xo şewat hewna bikerê. Hetê bînî ra Koyê Gorese de pêro daristanî vêşayî.

 

Reaksîyonê dewijan

 

Dewa Çevrecîkî hesabê xo yê medyaya dîjîtale ra nêrazîbîyayîşê xo mojna û vat: ''Selahîyetdarî yenê tîya çay şimenê keyf kenê. Çew mudaxeleyê şewatî nêkeno. Ma pêro sebebê şewatî hol zanenê la sebeb yeno nimnayene.''