ÎZMÎR - Rewşa weşîya tepişteyann her roja ke derbaz bena, tewr zêde xirab bena. Keyeyê tepişteyan bi taybetî semedê tepişteyê nêweşan vengdayîşê hîsgêrî kerdî.

 

Ahmet Silik 72 serreyê xo de serrêke Zîndanê  Sertî de mend û dima ra ame tehlîyekerdene, la semedê cezaya ci ameye tesdîqkerdene, reyna ame tepiştene û ey berdî zîndanê Tîpê R yê Menemenê Îzmîrî ke tepişteyê nêweşî uca de manenê. 3 serrî û nîm uca de mend. La semedê nêweşîyê ey sey prostat, kolestrol û vinîkerdişê hişî estbi, nêeşka biewno xo ra. Dimayê hende muracatê keyeyî, Ahmet serbest ame veradayene. Kênaya ey Ayşe Silik ajansê ma rê qalê rewşa pîyê xo û tepişteyênêweşan kerd.

 

Ayşe, sere de reaksîyonê xo hemverê serbet veradayîşê tacizker û tecawuzkeran ramojna û vat: "Tecawuzker û hêrişkeran serbest vera danê la tepişteyê sîyasîyan vera nêdanê. Ganî tepişteyê nêweşî yê ke 30 serrî yo zere de yê bêrê veradayene. Verê ke pîyê mi bêro tepiştene, weşîya ci baş bî. Şîne bazar eşkayîne her çî bikero. La nika merdiman nas nêkeno, nêeşkeno werd biwero. Tûtanê xo xo vîr ra keno. Nêeşkeno şêro tuwalet. Xeylêk nêweşîyê ci estê. Dermanê ci estê, eke kes nêdo ci keno xo vîr ra."

 

Ayşe, wina bale ant serê rewşa xo û vat: "Pîyê mi bi şertê kontrolê edlî ame veradayene. Emrê pîyê mi pîl o û sewbîna nêeşkeno lazimîyê xo rojane bi ca bîyaro. Dewlete ey tehlîye kerd. Semedê ke êdî rewşa ey tehluke de bî, serbest vera dayî. Gama ke pîyê mi Sêrtî de tepişteyebi, ciwanêk merdimê ma hetkarîya ci kerdêne. Nika pîyê mi serbest o la rewşa ci baş nîya. Ez vengdayîşê serbestveradayîşê pêro tepişteyan kena. Semedê zîndanan de kesê nêweşî nêeşkenê cuya xo dewam bikerê."