AMED - Bi rayberîya Meclîsê Cinîyan ê HDPyî cinîyê ke Berê Mêrdînî de ameyî têhet, pankartê fotagrafê Deniz Poyraz serê sûran de daliqnayî.

 

Meclîsê Cinîyan ê Partîya Demokratîke ya Şaran (HDP) semedê Denîz Poyraz ke 17ê Hezîrane de bi hêrişê nîjadî yê serê rêxistinê HDPyî yê Îzmîrî de ameye qetilkerdene Berê Mêrdînî ameyî têhet. Parlamenterê HDPyî Remzîye Tosun, Dîlan Dîrayet Taşdemir û Şevîn Coşkun, aktivîstê Tevgerê Cinîyan ê Azadan (TJA), endamê Komeleya Cinîyan ê Rosayî û xeylêk cinî pankartê fotograf û nuşteyê "Denîz Poyraz bêmerg a" ser de yo girewtî.

 

Polîsan destpêk de destûr nêda ke cinî pankart bidaliqnê, dima ra vatî tena 10 kesî eşkenê şêrê serê sûran.

 

Sewbîna cinîyêke waşt vejîya serê sûran ameye astengkerdene û polîsan aye tehn da.

 

Dimayê daliqnayîşê pankartî Parlamentera HDPyî Dîlan Dîrayet Taşdemîr eşkerayîke da dîyar kerd ke ê do têkoşînê cinî her ca de vila bikerê û Denîz Poyraza ke ameye qetilkerdene vîr ard.