Rojda Aydin

 

ŞIRNEX - Dimayê qetilkerdişê Denîz Poyraz ke bînaya HDPyî ya Îzmîr de ameye qetilkerdene, Cizîr de 17ê Hezîrane de tûtêke newe dayîka xo ra bî, nameyê ci kerdibî "Denîz Poyraz”. Dayîka  Denîz Poyraza qije dîyar kerd êdî bwa Denîzî nêrê qetilkerdene û vat: Denîzek ameye qetilkerdene, la ma Denîzanê neweyan pîl kenê.”

 

17ê Hezîrane de kiştox Onur Gencer eşt serê bînaya Partîya Demokratîke ya Şaran (HDP) yê Îzmîrî û xebatkar û endama partîye Denîz Poyraz zereyê bîna de qetil kerd. Hemverê qetilkerdişê Denîze de her ware û ca de reaksîyonî girs benê. 17ê Hezîrane de zî dimayê qetilkerdişê Denîz Poyraz bi amancê wayîrvejîyayîşê Denîze û semedê dewamê nameyê ci tûta ke Cizîre de dayîka xo ra bî nameyê ci "Denîz Poyraz" kerdî.

 

‘Ma Denîzanê neweyan pîl kenê’

 

Dayîka Denîz Poyraza qije Ayşe Cîn, dîyar kerd ke semedê hêrişî zaf xemgîn bîya û vat: “Mi do nameyê kênaya xo bikerdêne Arya. Labelê roja ke Denîze ameye qetilkerdene kênaya mi bî. Qetilkerdişê Denîze ma xemgîn kerdo û coka ma nameyê kênaya xo kerd 'Denîz Poyraz'. Cinîyêke ameye qetilkerdene û ez pê zaf xemgîn bîya. Wa êdî cinî nêrê qetilkerdene. Denîzêke ameye qetilkerdene, la ma Denîzanê neweyan pîl kenê. Ma do wayîrê têkoşînê Denîz Poyraz vejîyê û nameyê ci her ca de bîyarê vîr. Semedê ma Denîze bidê ciwîyayîş û nameya tim bîyarê vîr, mi nameyê kênaya xo da pa. Sewbîna ma wazenê na Denîz Poyraza ma dayîka Denîze rê biba hêvî û wa bizano ke kênaya ci ciwîyena. Ma pêro cinîyê kurdî pîya wayîrê xoverdayîşê Denîze vejîyê û dewam bikerê.”