ÎZMÎR - Dayîke û pîyê Denîz Poyraza ke  Cizîr de ameya dinya, bi dayîk û pîyê Denîz Poyraz ke ameye qetilkerdene dir telefon de qisey kerd. Di keyeyan vat, "Denîzêke şî bi mîlyonan denîze ameyî."

 

Nameyê Denîze Poyraz ke bînaya Partîya Demokratîke ya Şaran (HDP)  ameye qetilkerdene nameyê ci Cîzîr de tûta ke eynî roje de amîbî dinya dayî pawa. Dayîka Denîze, Fehîme û pîyê ci Abdullah Poyraz, bi dayîka tûta ke Cîzîr de ameye dinya Ayşe û pîyê ci Cembelî cîn dir telefon de qisey kerd.

Do bêrê serdayîş 

 

Ayşe û Cembelî yê ke keyeyî sersaxî waştî, "Denîza şima bî denîza her kesî bî denîza temamê kurdan. Şima zî kênaya xo Denîze bivînê û semedê nê ma wazenê bêrê serdayîşê şima."

 

'Heme şehîdê yê ma yê'

 

Fehîme ke kêfweşîya xo ard ziwan wina vat: "Homa aye bi weşî pîl bikero. Mi ra vatî Denîzêk şî yewa bîn amî. Nameyêk bîn zî kerdê Poyraz. Ez zaf kêfweş bîya. Wextê Rahşane zî Kadîfe Kaleyî şehîd bî, mi nameyê kênaya xo dabi pa. Pêro şehîdî yê ma yê. Wa heme Denîzî bi weşî bi."

 

Wa bi mîlyonan Denîzî bibê 

 

Pî Abdullah zî sersaxîyê Ayşe û Cembelî cewab kerd û vat, "Wa sereyê şarê Kurdî sax bo. Denîzêk şî bi mîlyonan denîzî ameyî. Wa Denîzî bi milyonan bê, Homa aye bi weşî pîl bikero û wa şarê Kurdî sax bê. Denîze ê ma hemin a. Wa zerrîya dayîkan êdî nêdejo. Denîze dinyaya xo bedilna la Botan de amî dinya."