RIHA - Emîne û Ferît Şenyaşarê ke 105 rojî yo çalakîya nobeta 'Edaletî' de yê 81 baroyê bajaran ra paştdayîş waştî.

 

Çalakîya nobeta “Edaletî” ya Emîne Şenyaşar ke mêrdeyê ci û 2 lajê ci hetê pawitox û merdimê parlamenterê AKPyî Îbrahîm Halîl Yildiz ra ameyî qetilkerdene û lajê ci Ferît Şenyaşar roja 105in de dewam kena. Keyeyî verê edlîye de  bi dowizê, “Dayîkêk 100 rojî yo verê Edliyeyê Rihayî de nobeta edaletî gêna. 2 lajê ci û mêrdeyê ci nêweşxane de ameyî qetilkerdene. Semedê mîyanê qirkerdişî de parlementer esto, 3 serrî yo dewa nîna akerdene” çalakîya xo dewam kenê.

 

Semedê 81 baroyan vengdayîş

 

Keyeyî serê hesabê xo yê twîtterî de nê mesajî pare kerd: “11 Baroyan semedê dewaya qirkerdişê nêweşxane de ame ciwîyayîş, sewîyeya serekî de sozê paştdayîşê huqûqî dayî. Amanc paştdayîşê 81 baroyê Tirkîya yo. Heta ke ma edalet bi ca nêarê, ma keyeyê xo de nênişnenê ro. Têkoşînê ma yê verê Edliyeyê Rihayî de roja 105ine dewam keno.”