AMED - Roniştişê Rojnamegere Kîbrîye Everen ame vînayene de  dadgehe qerarê babetê kêmî bêrê temamkerdene û roniştiş taloqê 11ê teşrîna peyêne ame kerdene.

 

13ine roniştişê dewaya bi îdiayê "Endamîya rêxistine", "Propagandayê rêxistine"  Rojnamegere Kîbrîye Everen rê amebi akerdene, 5ine Dadgeha Cezaya Giran ya Amedî de ame vînayene. Kîbrîye tewrê roniştişî nêbî. Avûkat Resûl Temûr û Pîrozhan Karali roniştiş de amade bî.

 

'Tarîxê sucdarkerdişî kan o'

 

Serekê dadgehe dîyar kerd ke idianameyê dewaya derheqê Kîbrîye de bi idiayê "Endamîya rêxistine"  2yîn Dadgeha Cezaya Giran de ameye akerdene, mabêne celseyî de waştê û semedê bikerê yew serê îddianameyî de cigêrayîş kerdê. Serekê dadgehe dîyar kerd ke tarîxê sûcdarkerdişê yê iddianameyî sucdarkerdişê dewaya nika Kîbrîye ci ra yena muhakemekerdene tewr kan ê.

 

'Wa îddianame na dewa dir bibo yew'

 

Avûkat Resûl Temûr dîyar kerd ke sucdarkerdiş kan o labelê tarîxê amadekerdişê îdianameyê Mêrsînî, dimayê dewa Amedî yo. Resûlî waştiş kerd ke iddianame bi dewaya nika dir bibo yew.

 

Dadgehe qerar da semedê  herdi dewa bibê yew 2yîn Dadgeha Cezaya Giran rê nuştiş bêro nusnayîş.  Dadgehe qerar da babetê kêmî bêrê temamkerdene û roniştiş taloqê 11ê teşrîna peyêne ame kerdene.