STENBOL- Emîne Şenyaşar û lajê ci Ferît Şenyaşar yê ke Stenbol de beşdarê Konferansê Demokrasî bî, dîyar kerdî ke ê do pêvînayîşê xo yê semedê waştişê paştdayîşê huqûqî dewam bikerê. 

 

Emîne lajê xo Ferît Şenyaşarî reyde tewra Konferansa Demokrasî bîye. Emîne Şenyaşar konferans de qisey kerd û da zanayene ke ê ameyî destbendkerdene, înan rê zulm dewam keno. Emîne Şenyaşar vat: “Ma se kerdbi? Ê hende barbar ê. Erdoganî Îbrahîm Halîl Yildiz kerd wekîl. O merdim faîz weno, kiştox o û dizd o. Ey keyeyê mi çin kerd. Ez nêeşkena keye de vindera, serê sibayî wurzena şina. Wa lajê mi bêro veradayene. Ez edalet wazena. Pêro keyeyê mi kişîya. Ma têna meverdê.”

 

‘Ma do paştdayîşê huqûqî biwazê’

 

Keyeyî serê hesabê xo yê twîtterî de nê pare kerf: “Têkoşînê ma yê edaletî roja 2yîn de Stenbol de dewam keno. Ma do ewro bibê mêmanê Ûlûsal Tvyî. Ma do bi Serekê Baroyê Stenbolî dir pêvînayîş bikerê û semedê dewaya qirkerdişê nêweşxaneyî paştdayîşê huqûqî biwazê. Ma heq, huqûq û edalet wazenê.”