Melîke Aydin

 

ÎZMÎR - Endama Awankerdoxa Weqfê Aştîye Ayşe Aydogan dîyar kerd ke helwestê muxalefetî û têkoşînê semedê  çareserîyê problemê kurdan yeno kerdene, qîm nêkeno û semedê caardişê aştîye ganî tewr zêde têkoşîn bêro dayene.

 

17ê Hezîrane de keso bi nameyê Onur Gencer hemverê HDPyê Îzmîr de hêrişê nîjadperest kerd û Denîz Poyraz hêriş de ameye qetilkerdene. Paştdayîşê semedê HDPyî û sersaxî dewam kenê. Weqfê semedê Tirkîya Aştîye zî şi serdayîş û weqf  2007 ra heta nika semedê çareserîyê problemê kurdî û aştîya komelî xebatan keno. Yew zî endama awankerdoxa Weqfî Ayşe Aydogan dîyar kerd ke semedê caardişê aştî, ganî nêzdîbîyayîşê hemverê problemê kurdan û ziwanê nefretî bivuryo û vat, hemverê meşrûkerdişê qirkerdişî de reaksîyonê muxalefetî qels o.

 

'Semedê goreyê îqtîdarî nêbê proses peynî bi'

 

Ayşe vat, heta problemê kurdan nêro çareserkerdene do merdişî her wext bibê û vat: "Bi hezaran ciwanê ma merdiî û hema zî mireno. Problem eşkeno bêro çareserkerdene. Prosesêkê çareserî yê 3 serrî dewam kerd bi. La semedê  ne goreyê îqtîdarî bi proses peynî bi."

 

'Ganî vindertişêk xurt bêro ramojnayene'

 

Ayşe dewam de wina vat: "Têkoşînê muxalefetî û têkoşînê hemverê nîjadperestî yeno dayene, qîm nêkeno. Roja ewil heme qenalan de Kemal Kiliçdaroglu bigî, heta heme partîyê muxalefetî mi temaşe kerd. Tena sersaxîyêk çareserî nêano. Ganî bi rastî de kîşte HDPyî de ca bigîrê û hemverê nefretî vindertişêk xurt ramojnê."

 

'Ganî têkoşîn bêro dewamkerdene'

 

Ayşe tewr peyîn wina vat: "Wareyê rêxistinê komelê sivîl teng o la ganî tevgerê cinîyan, çapemenî û kesî bêrê têhet û serê babete de vinderê û partîyê muxalefetî bidê zor. Ganî hemleyê ke şinê prosesê aştî û çareserî rê zor bidê. Ganî ziwanêko ferzkerde bêro awankerdene. Ma HDPyî rê keyeyê Denîze û heme kurdê demokratê çep sosyalîstan rê sersaxî wazenê. Ez reyke bîn vana ke ganî têkoşînê ma bêro dewamkerdene."