RIHA - Emîne Şenyaşar bi rayîrê telefonî bi lajê xo yê tepişte Fadil Şenyaşar dir qisey kerd û vat: “Zulm ma rê kenê.”

 

Emîne û Ferît Şenyaşar bi waştişê “edeletî” 114 rojî yo verê Edliyeyê Rihayî nobete gênê. Keyeyî pêvînayîşê hewteyî bi telefonî pêwa Fadil Şenyaşarî ke hîrê serrî yo Zîndanê Xarpêtî de yeno tepiştene, qisey kerd.

  

Emîne Şenyaşar derheê qiseykerdişî de wina vat: “Hîrê serrî yo lajê mi hucreyê bi tena sereyê xo de yeno tepiştene. Pî û birayê ci qetil kerdî. Gelo ma do na rewşa ey zîndanî senîn bo? Çîyêk destê ma ra nêno. Ma şî Enqereyî, Stenbol û her ca de. Keyeyê mi çin kerdî. Hema kînê înan serd nêbîyo. Lajê mi zîndan de mehf kenê. Baxçeyê edliyeyî zî ma rê  qedexe kerdî. Zulm ma rê kenê.”

  

Ferît Şenayaşar zî wina vat: “Ma bi nêheqî û bêedaletî dir rî bi rî mendî. Birayê mi bi hîrê serrî yo bi hawayêk nêheqî û bihuqûqî hucreyî de yeno tepiştene. O zî bendeyê roja edaletî bi ca bêro yo. Hêvîya xo vinî nêkeno û xo ver dano. Ma wazenê vengê ey uca de neql bikerê. Semedê ke zulm peynî bibo, ma têkoşîn kenê.”