Rojda Aydin

 

SÊRT - Şaredarîya HDPyî ya Sêrtî vernîya ke qeyûm tayînê ci bêro kerdene, semedê 2413 aboneyê ke deynê înan ê awe estbi, se ra 90î  faîzê deynê înan pak kerdibî. Wezîrê Karê Zereyî bi bahaneyê ke şaredarîya HDPyî  761.908.33 Mîlyon TL faîzê deynê awe pak kerda û şaredarî kerdê zirar cipersayîş da destpêkerdene. Hemsereka Şaredarîya Sêrtî ke vera ci qeyûm ame tayînkerdene Bêrîvan Helen İşik, reaksîyon vera cipersayîşî da û vat: "Cipersayîşêkê bêhuqûqî yo. Îtîraz bikerê.”

 

Şardarîya Sêrtê ya  Partîya Demokratîke ya Şaran (HDP) verê ke qeyûm tayînê ci bêro kerdene, kombîyayîşê meclîsê xo de semedê nêzdîyê 2 hezar û 413 aboneyî deynê înan esto, bieşkê bidê qerar dabi ke se ra 90 faîzo ke amebi serê deynê înan pak bikero. No qerar hetê 18 endamê meclîsê şaredarîya  HDP û 6 zî yê AKPyî ra amebi qebulkerdene. ’ê ve hatibû qebûlkirin. Wezîrê Karê Zereyî zî semedê nê cipersayîş da destpêkerdene. Hemseroeka Şaredarîya Sêrtî ke vera ci qeyûm ame tayînkerdene Bêrîvan Helen Işik, reaksîyon ramojna û vat, cipersayîş bêhuqûqî yo.

 

'Qerarê meclîsî yo'

 

Bêrîvane wina qalê babete kerd: "Demê ke hema şaredarî nêamebî desteserkerdene, roniştoxê Sêrtî yê ke deynê înan estbî, acizîyê xo qal kenê. Ma zî waşt ke ma şarê xo rê bibê cewab û hîn karê înan şenik bikerê. La ma nê zî çarçewaya qanûnî de kerd û ma bêhuqûqî tênêgeyrayî. No heqêq qanûnî yo û ma nê qerarî  meclîsê xo ra derbaz kerd. Goreyê madeyê qanûnî yê 7143  merdim eşkeno faîzê deynî ci ra bero. No qerar bi 18 rayê endamê meclisê şaredarîyê HDPyî û 6 rayê zî AKPyî pêroyî de bi 24 rayan ame dayene. Ma deynê faîzê awe se ra 90 pak kerd."

 

Cipersayîş ame destpêkerdene

 

Bêrîvane dewam de wina vat: “Pêroyî de ma faîzê deynê 2 hezar û 413 aboneyê xo pak kerd. Bi vatişêk bîn xora ganî awe belaş bêro dayene. Cuye de çîyo tewr lazim semedê însanan awe ya. Semedê ma faîzê awe kêm kerdo, derheqê ma de cipersayîş ameyo kerdene. La qerarê ma ce de yo. Wa cipersayîş bikerê. Hetê awe de welatê ma xeylêk dewlemend o û ganî awe belaş bêro dayene, ma nê pawenê."

 

'No cipersayîş bêhuqûqî yo'

 

Bêrîvane çîyêk kerdê huqûqî yo û vat: "Ma şarê xo rê xizmet kerdo, la ma hedef ameyî girewtene. Semedê ma şaredarîyêke HDPyî yê, derheqê ma de no cipersayîş ame destpêkerdene. Eke ma şaredarîyêke bîn bîne, beno ke derheqê ma de cipersayîş nêameyîne destpêkerdene. Ma nê cipersayîşî qebul nêkenê. No bêhuqûqî yo."

 

'Ma do gerre bikerê'

 

Bêrîvane tewr peyîn vat, ê cipersayîş qebul nêkenê û qiseykerdişê xo wina qedêna: "Eke ê cipersayîş danê destpêkerdene, ma do zî gerre bikerê."