STENBOL - Rojnamegere Derya Okatan ke wextê Mudira Karê Nuşteyî ya ETHAyî bî, xeberêke ajans de amebî weşanîyaye, derheqê ci de dewa amebî akerdene. Dozgerî roniştişê dewa de waştişê beraetê Derya Okatan kerd.

 

Rojnamegere Derya Okatan ke wextê Mudira Karê Nuşteyî ya Ajansê Xeberan ê Etkînî  (ETHA) bî, xeberêke ajans de amebî weşanîyaye, derheqê ci de dewa amebî akerdene. Roniştişê dewaya rojnamegere Derya Okatan 39ine Dadgeha Cezaya ya Asliye ya Çaglayanê Stenbolî de ame kerdene.

 

Roniştişo ke rojnamegere Derya Okatan beşdar nêbî de avûkatê aye Mehmet Alî Koç amade bi.

 

Dozgerî mutaalayê xo yê derheqê esasî de pêşkêş kerd û dîyar kerd ke wextê dosya ameye cigêrayîş, na babete çarçewaya azadîya çapemenî de bêra ercnayene. Dozgerî, derheqê Derya Okatan de waştişê beraetî kerd. 

 

Avûkatê Derya Okatan Mehmet Alî Koç zî dîyar kerd ke dimayê ke wekîla ci beyanê xo pêşkeş kerd, do derheqê esasî de pawitiş bikero. Heyetê dadgehe roniştiş taloqê 16ê kanûne kerd.