ÎZMÎR - Serpîl Kemalbaya HDPyije dîyar kerd ke Onur Gencer ke Denîz Poyraz qetil kerd, hetê Mudurê Merkezê Vengdayîşê Lezgînî yê 112  Tuncay Volkan Bayat ra semedê baregehê TSKyî ameyo weçînayene û sewbîna Tuncay Volkan Bayat îdarekarîyê Otêla Termalî ya Balçovayî de ca gêno û vat, tehqîqat bi tesîr nêno kerdene. 

 

Parlamentera HDPyî ya Îzmîrî Selpîl Kemalbay dîyar kerd ke têkilîyê şikdar Onur Gencer 17ê Hezîrane de hêrişê HDPyî yê Îzmîrî kerd û Denîz Poyraz qetil kerd, nêno cigêrayene û Medurê Merkezê Vengdayîşê Lezgînî yê 112 Tuncay Volkan Bayat ke şikdar Onur Gencer semedê bişawo Sûrîye weçînayo zî tewrê cipersayîşî bêrokerdene.

 

'Gelo têkilîyê ey bi Mudûrê Vengdayîşê Lezgînî yê 112 çi yo?'

 

Serpîle dîyar kerd ke semedê şikdar Onur Gencer şêro baregehê TSKyî yê Sûrîye ganî Mudurîyê Weşîye weçînayîne la Mudûrê Vengdayîşê Lezgînî ê 112 r aameyo weçînayene û vat: "Eynî kes mudurê Otêla Termalî ya Balçovayî yo zî. Otêla Termal zî kargeriyêkê binê îdarekerdişê Walîtiyî de yo. Tuncay Volkan Bayat mudûrê Otêla Termal ke Balçovayî de karê xirab yenê kerdene yo. Sewbîna şikdar Onur Gencer zî bi desan rey şino a otêlê û yeno. Gelo Merkezê Vengdayîşê yê 112 goreyê çi xebatkarê weşîye semedê teberê sînorî bixebityo weçîneno û beno wareyê leşkerî."

 

'Ganî mudurê emnîyetî Huseyîn Aşkin zî bêro cigêrayene

 

Serpîle qalê dîyalogê mudurê Emnîyetê Îzmîrî Huseyîn Aşkin dir ameyo kerdene vat: "Ma vat, çadirê emnîyetî verê bîna de hedef nîşanê kiştoxan danê. Ey zî vat, 'Zanayîşê ey çadire ra çin o, hişê ey kesî serê ey de nêyo' o wext sebebê 40 deqeyî nêmudaxalekerdişê şikdarî zî oyo. Ganî Huseyîn Aşkin bêro cipersayene. Emnîyet 5 deqe durê bînaye yo î mudaxale nêkeno û sebebê nêmudaxalekerdişî zî no yo. Hemserekê ma ke 20 rojî dima îfadeyê ci ame girewtene, demê yeno cayê serebûtî hem aguleyî nêameyê eştene la polîsan zanayîne şikdar zere de yo. Hemserekê ma vano, şêrê zere mudaxale bikerê, ê zî vanê in, ‘ma bendeyê êlekê çelîkan ê.' La êlekê çelîk ke ganî mabêne  5 deqe de biameyîne nêameyî. Demê ameyî zî  hêdî hêdî dayî xo ra û nêvejîyayî cor."

 

'No cînayet bi paştdayîşê îqtîdarî û  MÎTî ame kerdene'

 

Serpîle wina vat: "Şikdar bînaya 8 qatî de gêreno û nêno zanayene ke kîşte şikdarî de kes bi çinbi. O bi xo yeno û wina destbend kenê. Cigêrayîş nêkerdî, nêvatî ka kesêk bîn esto yan çinbî. Semedê nê zî no cînayet bi tewrbîyayîşê îqtîdarê sîyasî, MÎT û Emniyetîca ameyo. Semedê nê zî ma bi endîşeyê ke no cînayet bi destê dewlete ameyo kerdene, serê ma de xurt beno."

 

‘Kiştiş yeno normalkerdene’

 

Serpîle tewr peyîn wina vat: "Semedê pelçiqnayîşê komelî, semedê vernîgirewtişê ameyîşê şarî têhet ê hêzê demokrasî û  xurtkerdişê blokê faşîst yenê xurtkerdene. Ma nê cipersayîşî qebûl nêkenê. No pêroyî hewldayîşê semedê nimitişê cînayetê sîyasî yo."