MEXMÛR - Roniştixê Wargehê Multecîyan ê Şehîd Rustem Cûdî (Mexmûr) semedê şermezarkerdişê 2yîn serrgera dorpêçê serê wargehî de rayrayîş kerdî.

 

Wargehê Multecîyan ê Mexmûrî de semedê şermezarkerdişê 2yîn serrgera rayîrpadayîşî û dorpêçê serê wargehî de rayrayîş ame kerdene. Rayrayîş verê Sazgehê Keyeyê Şehîdan de ame destpêkerdene û heta verê berê sazgehê Neteweyê Yewbîyaye dewam kerd. Rayrayîş de girse bi siloganê, “biciwîyo xoverdayîşê mexmûrî”, "Biciwîyê xoverdayîşê gerîlla”, “Bimiro îxanet”, “Biciwîyo Rayber Apo”, bêmabên berz kerdî û pankartê bi nuşteyê, “Tekoşînê ma yê hembeş, do îxanetkeran zor bero, Kurdistan keyeyê Barzaniyîjan nêyo, wareyê heme Kurdan o" ameyî wedaritene. Verê berê neteweyê yewbîyaye de serê nameyê girseyî de hetê Endama Îdarekarîya Meclîsê Îştar  Xantur Kara ra eşkerayîyêk ame dayene.

 

Eşkerayî de wina ame vatene:

 

Dewleta tirkî ya wayîrê fehmê faşîst û qirkerdişî ya, kurdan her wext kena amancê xo. Nê esasî ser de roja ke tevgerê azadîye dest bi têkoşîn kerda û heta nika, na dewlete her game ameya eştene, hewl daya ke bi metodêk wehşî veng vejo û nika zî ma vînenê  erc û destkewtişê Kurdan ke bi gonîya hezaran şehîdan ameyê bidestkewtene, çin bikero. Ewro ma vînenê ke tehdîdê Rojawan û başûrê Kurdistanî yenê kerdene û hetêk zî Mexmûr û Şengal mîyan de bi taybetî hewl danê herêma pawitişê medya îşxal bikerê.

 

Nê dir dimayê serebûtê 17ê Temmuza 2019ine bi destê asayîşê PDKyî û îdarekarîyê hukmatê Herêma Federal a Kurdistanî serê wargehê multecîyan ê Şehîd Rustem Cudî de rayîr pada û dorpêç ameyo ronayene û rayîr nêdano dayene ke roniştoxê wargehê derbazî cayê ke binê serwerîyê PDKyî de yê bibê. Nê esasî ser ma kewenê 2yîn sergerra dorpêç, rayîrpadayîşî û amabargoyê serê wargehî. 

 

Ma sey roniştoxê xoverdayîşî yê wargehê Şehîd Rustem Cudî, sere de vengdayîşê şarê ma yê başûrê Kurdistanî, temamê Kurdî û dostê kurdan kenê ke hemverê îşxalkerdişê bêveng nêmanê. Yewîye xo awan bikerê û hemverê hêzê qirkerdişî têkoşîn bikerê.

 

Eşkerayî bi sloganê, “Biciwîyo Serek Apo, "Biciwîyo Xoverdayîşê şarê Mexmûrî" û "Bimiro Xîyanet” peynî bî.