Melîke Aydin

 

İZMİR - Serpîl Kemalbaya HDPyije hêrişê nîjadperest yê hemverê kurdan sey netîceyê zîhnîyetê yewpawitox ê dewlete û dewamîyê bîyayîşê ci yê mîlîtarîst yê hetê îqtîdaran ra ercna û vat ke partiyê muxalîfî wareyê caardişê wezîfeyê xo de û paştdayîş de qels manenê.

 

Konya de 21ê Temmuze de netîceyê hêrişê nîjadperest de  Hakîm Dal ame qetilkerdene. Walîtiya Konya ke dimayê serebûtî eşkerayî da, îdda kerd ke serebût etnîk edlî nîyo. La keyeyê Hekîm Dalî zî eksê dîyar kerd ke hêrişêk nîjadperestî yo û Hekîm semedê kurdbîyayîşê xo ameyo kiştiş. Reaksîyonê hemverê nê hêrişan her ke şino zêde benê.

 

Parlamentera HDP ya Îzmîrî Serpîl Kemalbay derheqê hêrişê nîjadperest de ercnayîş kerd.

 

‘Ziwanê nefretî hêzê îqtîdarî aver beno’ 

 

Serpîle vat ke herême de îmkanê karî çin ê û karê bîyaye zî  goreyê roniştoxê herême nînê organîzekerdiş û semdê nê zî roniştoxê herême mecbûr benê ke şêrê şaristanê Tirkîya bixebityê. Serpîle dîyar kerd ke multecî û kurdî nê şaristanî de sey hêzê karê erjan yeno vînayene, welat de ziwanê ke cîya vejeno û vat: "7ê Hezîrana 2015 ra heta nika wazenê şarî bitersnê. Ziwanê nefretî hetê serdestan ra roj bi roje yeno averşîyayîş. Semedê nê zî hêrişî zêde benê. Serê HDPyî û îradeyê şarê Kurdî ê siyasî hêriş esto. Tena hedef nîşan mojnenê, bi polîtîka û hêrişê serê HDPyî wazenê ke HDP şaristanê Tirkîya û sîyasetê demokratîk ra dûr bikerê. Coka serebûtan viraznenê.”

 

‘Kedkarê kurdan teberê sînorî kenê’

 

Serpîle vat, kedkarê kurdî bi şawitişê şaristananê înan dir  ameyê dersînorkerdiş û vat: "Nê kesê ke semedê debara weşîye xo eştê tehluke û şert û mercê zehmet de ameyê sey kedkarê mewsîmî xebityenê, hîn pereyê ke kom kerdê zî vînî kerdî û ameyê dersînorkerdene. Serpîle wina vat: "Ma vînenê ke tu çîyêk rastî çin o. Her çend ke demê weçînayîşî de uslubê muxaleftî de nermbîyayîş bibo zî ma vînenê ke wareyê demokrasî de tu vurnayîş çin o û helwestê îqtîdarî û muxalefetî nêzdîyê yewbînan o. Nê serebûtî netîceyê ziwanê nefretî de vejênê werte û dem bi dem selahîyetdarî zî nê uslubê xebitnenê.”

 

‘Ganî muxaleft polîtîkayê nefretî xo ra dûr bikero’

 

Serpîle wina qedêna: “Ganî waştişê vurnayîşê şarê Tirkîya hetê muxalefetî de zî bêro vînayene. Demo ke Denîz Poyraz ameye qetilkerdene reaksîyonê ke muxalefetî nîşan da kêm mend. Ganî muxalefet xo ziwanê nefretî ra dûr bigîro. Cizîr, Pirsûs, Dîlok de qirkerdiş ame kerdene. Tarîx de bi serebûtê bi nê rengî pirr o. La demo ke ma rejîmê yew merdimî zor berê, do problemê bi nê rengî nêmanê. Ganî partiyê muxalîfî hemverê hêrişê nijadperestî yê Konya helwestê xo yê zelal bikerê û bi ziwanêk şîdet şermezar bikerê.”