MEXMÛR - Çarçewaya çalakîyê 8ê Adare de Wargehê Multecîyan ê Mexmûrî de semînerêke ame viraştiş.

 

Wargehê Multecîyan ê Şehîd Rustem Cudî (Mexmûr), bi minasebetê 8ê Adare semînerêke awanîya Sazgehê Keyeyê Şehîdan de ame kerdiş. Semîner de endamê Koordînasyonê Meclîsê Îştarî Fadîle Tok qisey kerd.

 

Fadîle, destpêkê qiseykerdişê xo de  8ê Adare Rayberê PKKyî Abdullah Ocalan û tevgerê azadîwaşt û heme cinîyê dinya pîroz kerd. Fadîle semîner de serê tarîxê 8ê Adare vindert û vatt: "Serra 1857 de Amerîkayî de fabrîqeyêke cil û bergan de 129 karkerê cinî ameyî veşnayîş. Seba ke karkerê cinî hemverê zilm û nêheqî de sere nêtewênayî bi hawayêke wehşet ameyî qetilkerdiş. Serrê 90î de zî Almanya, Amerîka û Rûsya de xeylêk xopêşandanê cinîyan kerdî û cinî xebatê sendîkabîyayîş de kerdî.  Sewbîna Awropayî de 8ê Adare wareyan de bi hawayêke sembolîk yeno pêşwazîkerdiş."

 

Fadîle, dewam de wina vat: "Demo ke merdimî kokê rastî û têkoşînê cinîyê kurdan bigîrê dest, şorişê azadîye yê PKKyî ke demê awankerdişê PKKyî de Sakîne Cansiz rayberîya tevgerê YJAyî kerda tewr zêde 8ê Adare seba cinîyê kurdî pîl kerd."

 

Fadîle, tewr peyîn wina vat: "Tewr zêde partîya ma serê hîmê bingehîn yê cinîyan, tevgerê xo pîl kerdo. Bi fikr û felsefeyê Rayber Apo xeylêk partî û sazgehê cinîyan ameyî awankerdiş, no zî dano dîyar kerd ke cinî eşkenê bi xo bi rêxistin bikerê û bibê wayîrê îrade."