MERKEZÊ XEBERAN - Cuya Besê Anûşa ke yew gerîlayê cinî ya ewil yê Tevgerê Azadîya Kurdistanî ya bî roman. Romano bîyografîk ê serê Anûşe ame çapkerdene. 

 

Cuya Besê Anûşa ke şehîda verêne ya gerîlayan ê cinîyan a, bîye roman. Romano bîyografîk ê serê Anûşe ame çapkerdene. Kitab bi nameyê 'Besê' bi tirkî û kurdkî weşanxaneyê Meymanî ra vejîya.

 

Nuştişê kitabî 2000 de dest pêkerd û rojnameyê Newaya Jin kitab çapkerdişî rê amade kerd. Romano bîyografîk qala cuye û hîkayeya têkoşînî yê Besê Anûş keno.

 

Bi neqlkerdişê PKKyî dir serra 1978ine de menga Kanûne de Kurdistan de qirkerdiş dest pêkeno, sebebê têkoşînê yê Besê ke bîya şahidê qirkerdişê Mereşî tewr zêde bi.

 

Darbeya 12ê Êlula 1980î ra dima Besê Mereş de yena destbendkerdene û ci rê îşkenceyêko giran yeno kerdene. Îşkencekaran ra yew zî wina qala tewirê Besê kerdêne: ''Mi bi xo ci rê îşkence kerd. La ma nêeşkayî fekê ci ra qalêke bigêrê.''

 

Nê îşkenceyî ra dima Besê tewra komêka qije ya gerîlayan bîye.

 

Besê rojêke dormeyê adirî de embazanê xo rê nê wesîyetî kena: ''Eke ez şehîd biba ez pê bawer a ke bi seyan cinîyî do çeka mi erdî ra bigêrê û koyanê Kurdîstanî de şer bikerê.''

 

17ê adara 1981î de Nurhaqan de leşkerî dormeyê gerîlayan gênê. A roje kome ra têna Besê şîyar bîye. Besê rixmê birîna linganê xo vazdana, xo erzena awa Aksuyî. Leşkerî guleyan erzenê Besê ser. Besê mîyanê awe de bi sereyê xo, guleyan erzena leşkeran ser. Bedenê Besê guleyanê leşkeran ra beno lete-lete.

 

Bi fermanê fermandarî bedenê aye werteyê dewe de verdeno ke çimanê dewijan bitersno. La dewijî serê milanê xo de cenazaya Besê kirişenê û defin kenê.

 

Embaza Besê Anûş û Endama Konseya KCKyî Elîfe Ronahî vervateyê kitabî de wina nuşto ke tewirê  Besê Anûş herême de terso ke dewlete vila kerdêne şikit.

 

Muslum Gulero ke prosesê nuştişê kitabî de ca girewtbi ard ziwan ke Besê seba şarî xo feda kerd.