WAN - Wan de seba Mîtîngê 8ê Adare cinî bi reng, çepik û tilîliyê xo bi sloganê, "Dem demê Azadiya Cinîyan o” bi rayrayîş ver bi meydanî herikyenê.

 

Wan de rayberîya Tevgerê Cinîyan ê Azadan (TJA) û Partîya Demokratîke ya Şaran (HDP) de bi sloganê "Dem demê azadîya cinîyan o” mîtîngê 8ê Adare dest pêkerd. Meydanê mîtîngî de Parkê Aştîye ya Musa Anterî hetê polîsan ra ame dorpêçkerdiş û cinîyê ke vera ke bikewê meydan cigêrayîş ame kerdiş. Cinîyê ke barîkat derbas kerdî bi rengê xo yê kesk, sûr û zerdî kewtî meydan û dest bi govende kerdî.

 

Meydanê mîtîng de pankartêke pîl yê bi sloganê "Dem demê azadîya cinîyan o” ame daliqnayîş û lolîpopê bi sloganê, "Ziwanê ma bîyayîşê ma yo”, "Denîz Poyraz serewedaritişê ma ya",  "Hemverê cinîyan ney hemverê şîdetî destê xo kerdî berz” ameyî berzkerdiş. Coşê cinîyan ê meydanê bi sloganê, "Dem demê azadîya cinîyan o” dewam keno.