ANQARA - Tepişteya nêweşe Muhlîse Karaguzel a ke Zîndanê Buryane ya Qeyserî de yena tepiştişî krîzê zerrî derbas kerd. Ame eşkerakerdiş ke muhlîse wedarita nêweşxaneyî, anjîyo bîya stent fînawo zerra aye. Sewbîna ame zanayîş pêwa ke rewşa Muhlîseye baş nîya zî do nêweşxane ra bêro  tabûrkerdiş. 

 

Ame zanayene ke do Hemsereka Partîya Demokratîke ya Şaran (HDP)a Mûşî Muhlîse Karaguzela ke 8 serrî û 10 mengî ceza ci rê ameya birnayîş û nika Zîndanê Buryane ya Qeyserî de yena tepiştişî krîzê zerrî derbas kerdo. Ame eşkerakerdiş ke Muhlîseye wedarita nêweşxaneyî anjîyo bîya û stent fînayo zerrîya aye. Sewbîna ame zanayene ke pêwa ke rewşa Muhlîseye baş e nîya zî do nêweşxane ra bêro tabûrcîkerdiş. 

 

Kênaya Muhlîse, Zîlan Karaguzel derheqê rewşa dadîya xo de malûmat da ajansê ma. 

 

20 rojî dayî vindarnayîş

 

Zîlane da zanayene ke ver ra nêrehetîyî Muhlîse şîya revîrî û hekîmî vato ganî Muhlîse şêro Hekîmê Zerrî Damaran û damarê aye bêrê akerdiş. Zîlane vat: "Dimayê revîrî dadîya mi reyna benê qawişe la belê îdareya zîndanî 20 rojî dadîya mi danê vindarnayîşî. Vizêrî seba ke sereyî ra heşê xo ra şîya, a wedarita nêweşxaneyî. A game  a anjîyo kerda û stent fînayo zerra aye." 

 

‘Destê dadîya mi destbendkerdeyê’

 

Zîlane dîyar kerd ke înan tena 20 deqe dadîya xo vînayo û vat: "Pêvînayîşî de xeylêke eskerî bîbî. Serê nivînan de destê dadîya mi destbendkerde yo. Pêwa ke rewşa dadîya mi baş e nîya zî la belê do aye tabûrcî bikerê.