RIHA - Meclîsê Cinîye yê Platformê Baskê KESKî yê Rihayî dest bi 'Komxebata Keda Cinîya Koçbere' kerd.  Do komxebate rojêke bidomo.

 

Meclîsê Cinîye ya Platformê Baskê Konfederasyona Sendîkaya Kedkarê Îstîmlakî (KESK)ya Rihayî dest bi 'Komxebateya Keda Cinîya Koçbere' kerd. Do komxebate rojêke bidomo. Endamê Baskê KESKî yê Semsûr, Amed, Dîlokî û xeylêke cinîyê organîzeya komele ya ke sivîlê Rihayî ra yê beşdarê komxebate ya Eywane ya Tekteke ya Merkezê Perwerdeyî ya Cotkarîye ya GAPî dest pêkerd, bî. Pankartê bi nuştişê 'Cinî, ciwîyayîş, azadî' û 'Seba ciwîye û asayîşê karê xo ma israr kenê' ameyî aliqnayîşî.

 

'Cinîyan seke karo ercan vînenê'

 

Serê nameyê Platformê Cinîyan ê KESKî yê Rihayî, Hemsereka EGÎTÎM-SENî ya Rihayî Ozlem Ûlûtaş Şengul, qisey kerd. Ozleme dîyar kerd ke: "Kesê ke Sûrîye ra koç kerdê zafêrî Riha de yê. Cinîyan seke karo ercan vînenê. Keda ma nîna vînayîş. Coka ganî ma bizanibê ma do xebatêka parekerde ya bi çi rengî multecîyan dir bikerê. Coka ma umîd kenê ke, ma do di komxebate de kemanîyan temam bikerê.

 

'Cinî sey xenîmet yenê vînayîş'

 

Done Gevher Koyun ke serê nameyê Heyetê Îdarekarîya Cinîyan ê Merkezê KESKî de qisey kerd û vat, ê bi krîzêke koçberan rî bi rî yê. Done dîyar kerd ke şer de cinî sey xenîmet yenê vînayîş û vat, na xebate ma seba têkoşînê hemverê nîjadperestî, cinsperestî û cîyayî dest pêkerd.

 

Komxebata ke do çapemenî rê padaye dewam bikero, cinî do serê babetê cîyayan de vinderê. Doç. Dr. Emel Coşkun serê babeta " Perspektîfê cinsî û komelî yê Tirkîya de cinîyê multecî û koçberî" de vinderê. Avûkate Dilek Aslan do bale bianco serê babeta "Heqê jcinîyanê koçber û multecîyan ê resnayîşê piyasayê karî". Sewbîna do Pisporê Xizmeta Komelî Dilet Latifeci zî bale biancê serê babeta, "Zehmetîyê resnayîşê heq û xizmetî yê cinîyan ê koçber û multecîyan."