MERKEZÊ XEBERAN - Newroza 2022yîne bi sloganê "Dem demê serkewtişî yo" yena pîrozkerdiş. Xeylêk bajaran de bi hezaran kesî herikyenê meydanê Newroze. 

 

Newroza emsar bi sloganê, “Dem demê serkewtişî yo” yena pîrozkerdiş. Startê ewil ê pîrozbayî Newroze 15ê adare de qezaya Elkê ya Şirnexî amebi dayîş. Vizêr zî 19 merkezan de adirê Newroze ameye tavistiş. Pêwa  hewaya serd û varayîşê vewre şar bi cilê xo yê kurdewarî vizêr herikyayî meydanê Newroze û meydanan pirr kerdî. 

 

Ewro zî bi desan merkezê pîrozbayîyê bi sloganê, "Dem demê serkewtişî yo" yena pîrozkerdiş. Serê sibayî bi hezaran kesî bi cilê xo yê kurdewarî pêwa hewaya serdî verê xo danê wareyê Newroze.  

 

Newroze do qezaya Farqînê Amedî, qezaya Bazîdê Agirî, Êlih, qezaya Silopî ya Şirnexî, Edene, Îzmîr, Stenbol, Colemêrg, qezaya Kopî ya Mûşî, Wan, Dîlok û Riha û bi temamê 36 merkezî de bêro pîrozkerdiş.