STENBOL - Kesê ke erjîyayeyê  25ine Xelata Rojnamegerîye ya Metîn Goktepe ameyî vînayîş, diyar bî. Xelata Xebera Nuşteyî ê Jûriyê yê Taybetî dayî xebera bi sernameyê, "Wezaretî keyeyê welatijê ke bi wesayîtê zirxî ameyî qetilkerdiş, tazmînat waşt!" a Muxabira ma Şehrîban Aslan. 

 

Netîceyê 25in Xelata Rojnamegerîye ya Metîn Goktepe ke hetê Rojnameya Evrenselî ra serra 1998ine de bi amancê ciwîyayîşkerdişê vîrardişê rojnamegerê ke serê karê xo de dinyaya xo bedilnayê yena dayîş, dîyar bî. Musabaqa de muxabira ajansê ma Şehrîban Aslan bi xebara xo ya "Wezaretî keyeyê welatijê ke bi wesayîtê zirxî ameyî qetilkerdiş, tazmînat waşt!" erjîyayeê xelata Xebera Nuşteyî ya Taybetî ameye vînayîş.

 

Muxabira Ajansê Mezopotamya (MA) Arjîn Dîlek Oncel zî bi xebera xo ya, "Hîkayeya multecî û tutîye: Amara Dwla" ke 9ê êlule 2021ine de amebî weşankerdiş, erjîyayeyê Xelata Xeberanê Nuşteyî ameye vînayîş.

 

Sewbîna musabaqa de xelata dîmenê Gazete Dûvarî ra Serkan Alan û Arti TVyî Meral Danyildiz girewtî. Xelata fotofrafî zî Hasan Dogan girewt. Xelata rojnamegerîya herêmî zî Haber Gazetesi yê Semsûrî Omer Karakûş girewt. 

 

Xelata hetê Celal Başlangiç, Hale Gonultaş, Îpek Ozbey, Mehveş Evîn, Mûrat Sabûncû, Nazim Alpman, Serpîl Îlgun û Zana Kaya ke jûrî bî ameyî dîyarkerdiş. 

 

Do xelate 10ê Nîsane de roja Rojbîyayîşê Metîn Goktepe de bi merasimêk pêşkêşî wayîran bêro kerdiş.