RIHA - Çalakîya 'Nobeta Edaletî' ya Keyeyê Şenyaşarî 385 rojî yo domnena. Keyeyî dîyar kerd ke do waştişê xo yê edaletî bidomnê. 

 

14ê Hezîrane ya serra 2018ine de merdim û pawitoxê Parlementerê AKPyî  Îbrahîm Halîl Yildiz Pirsûsî ya Rihayî de  hêrişê dikanê keyeyê Şenyaşarî kerdî. Di hêriş de mêrde û 2 lajê Emîne Şenyaşare ameyî qetilkerdiş û lajê aye Ferît Şenyaşarî zî bi birîndarî xelesîyabî. Dadîya Emîne Şenyaşare seba ke qatilê keyeyê aye bêrê tepiştişî û  lajê aye Fadil Şenyaşar zî bêro veradayîş, 9ê Adare ya 2021î de pêwa lajê xo Ferît Şenyaşarî  verê berê Edlîyeyî Rihayî de dest bi  Nobeta Edaletî kerd. Çalakîya înan di roja 385ine de dewam kerd. Vera ke Emîne Şenyaşare  nêweşe bî, nêeşka ewro tewirê çalakîye bibo û nobeta xo, keyeyê xo yê Pirsûsî de domna. 

 

Ferît Şenyaşarî dîyar kerd ke heta edalet bêro ca, do verê berê edlîyeyî ra nêşêrê. 

 

Têkilîya babete, keyeyî serê hesabê xo yê medyaya komelkî  de bi no mesaj pare kerd: "Sirr û seqemê zimistanî de zî ma fek waştişê xo yê edaletî ra vera nêda. Nayo hamnanêke bîn zî ame. Waştîşê ma yê însanî û huqûqîyî apey de mefînê! Ro edalet yeno gêrayîş."