Oznur Değer

 

ANQARA - Emnîyetî keyeyê cinîyan ê ke tewrê 8ê Adare bîyê gêra û vatî, 'kênaya şima tewrê 8ê Adare bîya xebera şima esta?' Nê cinîyan ra yewe Yagmur Demîrel dîyar kerd ke do hemverê polîtîkayê dişminî yê cinîyan têkoşîn bikerê û vat: "Vatişê Sara û Rozayan vatişê ma yo. Ma tu wext fek ci ra vera nêdanê."

 

8ê Adare ke bi coşêk pîl ameyîne pîrozkerdiş, bi coşêk pîl ame pîrozkerdiş, pêwa heme teda û şîdetî cinîyan verê xo da meydanan. Anqara de dimayê pîrozbayî, emnîyetî keyeyê ke cinî tewrê 8ê Adare bîyê gêrayî û bi tehdîd waştî ke înan bi pelçiqnê. Cinîyan dîyar kerd ke ê hemverê nê polîtîkayan sere nêtewênenê û peyser game nêerzê. Endamê Paştdayîşê Mor û Tora Pawitişê Cinîyan dîyar kerd ke polîsî înan û keyeyê înan gêrayê.

 

'Şima rayîrê şaşî de yê!'

 

Endama Paştdayîşî Mor Yagmur Demîrel wina qalê serebûtî kerd: “Emnîyetê Anqarayî bi serran o  polîtîkayê teda û zilmî keno. Cinîyê ke tewrê 8ê Adare bîyê û keyeyê înan bi metodê tacîz û şîdetî gêrayê. Bi numarayêke fermî ney bi numareyêke şexsî gêrayî. Kesa gerîya vat, a polîsêke cinî ya û seba şimitişê qehwedewat kerd. Dima ra vat, şima rêxistinêke şaşî de yê, rîyê rêxistinê ke şima ci de o rî nîyo."

 

‘AKPyî ra hêz gênê û cinîyan tacîz kenê’

 

Yagmure vat, pêvînayîşê ameyo kerdiş de şerê psîkolojîk bîyo û kesa ke gêraya zî zanayîşê aye cinî ça xebityenê se kenê de bîyo û Yagmure wina dewam kerd: “Embazê ke keyeyê înan gêrayê, zanenê ke tersê înan tedayê keyeyî yo. Sewbîna nê prosesî de zanê ke faktoro tewr girîng karê ma yo. Demo ez telefon padî mi seba hewldayîşê înan yê hişmendkerdişî spas kerd. La mi vat no metodêke huqûqî nîyo û do her tim kuçeyan de bî. Emniyetê Anqara bi serran o seba metodê bêcezaverdayîşê AKPyî  cinîyan tacîz keno. La do cinî her ca de do vatişê şima vajê.”

 

‘Vatişê Sakîne û Rozayan ra û vatişê ma yo’

 

Yagmure tewr peyîn wina vat: “6ê Adare de çalakiya cinî û 8ê Adare de rayrayîşê şewe ame kerdiş. Emniyetê Anqarayî reyke bîn tersê vînîkerdişê şerê psîkolojîk da destpêkerdiş. Bi teda û zilm, tacîz kenê, reyke bîn nefretê hemverê cinîyan ramojnayî. Ma cinî do her wext têkoşînê xo dewam bikerê û hemverê tedayanê înan bê. Sozê Sakîne û Razayan rê û vatişê ma yo. Rewşa nê gêrayîşî dewam bikerê, do hewldayîşê ma yê huqûqî dewam bikero. Ma do miracatê Komeleya Heqê Merdiman (ÎHD) bikerê. Eke cinî azad bê do komel zî azad bo. Ma tîyayê ma nêşenê cayêk. Ma azad bê û aştî bîyarê nê welatî.”

 

10 keyeyan gêrayî

 

Endama Tora Pawitişê Ciniyan Aysun Gençtanir zî vat, 10 keyeyê ke embazê înanê cinîyan gêrayê û dimayê 8ê Adare emniyet keyeyan gêrayo û vat: “Keyeyê 10 endamê Tora Pawitişê Cinîyan û Kolektîfê Unîversîteya ya Femînîstî gêrayî. 5 serrê peyîn de dimayê her 8ê Adare û 25ê Teşrîna peyêne de no proses yeno ciwîyayîş. Hetê emniyetê Anqara ra hemverê cinîyan hêrişêk esto. Têkoşînê cinîyan her ware de hedef yeno girewtiş. Wazenê her cayê welatî de vernîya heqanê ma û tevgerê cinîyan bigîrê. Destbendkerdiş de şîdetê psîkolojîk kenê. Hewl danê ke mesajê ‘şima wina bikerê do wina bibo’ bidê cinîyan.”

 

‘Ma xo biresnê yewbînan û yewbînan bipawê’

 

Aysune tewr peyîn vat, muracatê sucî kerdê û wina qedêna: “Ma nêkenê xo vîr ra ke çira têkoşîn kenê. Ma do têkoşînê hemverê fehm û şîdetê camêrdan dewam bikerê. Ma do sûcdar ra vajê sûcdar o, bê ters kuçeyan de bê. Ma tu wext tena nîyê û bêçare nîyê. Ma biresê yewbînan û yewbînan bipawê.”