AMED - Ciwano bi nameyê Bariş T. Newroza Amedî de amebi destbendkerdiş, dimayê avûkatan îtiraz kerd, ame veradayîş.

 

Demê pîrozbayîyê Newroza Amedî de polîsan seba astengkerdişê tewrbîyayîşê hêrişê girseyî kerd. Netîceyê hêrişî de 74 ci ra tutî bi pêroyî 298 kesî amebî destbendkerdiş. Mîyanê tutanê destbendkerdişî de yê 10 serre zî estbî. Kesê ke destbendkerdeyî, hem demê destbendkerdişî de û hem zî emniyet de rastê şîdetê fîzîkî û nêzdîbîyayîşê xirab ê polîsan amebî. Destbendkerdayan ra tena Bariş T. yo 19 serre amebi destbendkerdiş.

 

Dadgehê bi bahaneyê ke demê pîrozbayî de “Seba Rayberê PKKyî Abdullah Ocalanî slogan eştê” û “Flamayê bi rengê kesk, sor û zer wedarnayê”, bi îdiayê “propagandaya rêxistine kerdo” qerarê tepiştişî da û şawit zîndan.

 

Nê ser de zî avûkat û Hemseraka Şubeyê Komeleya Huqûqnasê seba Azadîye (OHD) Ozum Vurgun hemverê qerarê dadgehe îtîraz kerd. Nê ser de waştişnameyê  Ozume, dadgehe cigêrayîş kerd û qerarê veradayîşê Bariş T.yî da.