Yara Kendeş

 

KOBANÊ - Xanim Mehmod ke bi Rayberê PKKyî Abdullah Ocalanî dir pêvînayîş kerdibi, dîyar kerd ke 4ê Nîsane rojbîyayîşê Abdullah Ocalanî rojbîyayîşê şarê aştîwaştoxan o û vat: "Pêvînayîşê min ê bi Rayber Apo dir seba mi bi roşnayîyêke pîl. Coka ma hêvî kenê ke demêk kilm de bireso azadîya xo yê fîzîkî."

 

Rayberê PKKyî Abdullah Ocalan serra 1949 de dewa Amarayî de sey tutêke feqîr dadîya xo ra beno. Nameyê dadîye ey Uveyş û nameyê pîyê ci Emer o. Tutîya ci Amara û dewa Cibinî ke ci de mektebe wendêne derbas beno. Seba rewşa ekonomîya keyeyî çin o karê mewsîmî de xebitya yo û nê dir zî mekteb wendo. Anqara de Tapû Kadastro waneno û serra 1972 de zî derbasê Fakulteya Zanistê Siyasî yê Anqara beno. Tutîya xo ra cigêrayîşê nasnameyê kurdî de bi. Çalakîyê mîlîtanî yê Mahîr Çayan û Denîz Gezmîş bi tesîr beno, nê dir xebatanê xo yê sîyasî tewr kûr keno. Serra 1973 de zî awbendê Çûbûkî yê Anqara de reya ewil seba awankerdişê rêxistinêke kurdî kombîyayîş kenê û reya ewil vatişê, 'Kurdistan îşxalkerde yo' xebitneno.  27ê Teşrîna peyêne 1978 de Dewa Fîsî yê qezaya Lîcê ya bajarê Amedî de netîceyê xeylêk munaqaşeyan de keyeyê Alaattîn Zogurlu de Partiya Karkerê Kurdistan (PKK) yena awankerdiş.

 

Çarçewaya 4ê Nîsane roja rojbîyayîşê Rayberê PKKyî Abdullah Ocalan de Xanim Mehmod ke Dewa Xerîban a girêdayê Kantonê Kobanî ya û bi Rayberê PKKyî Abdullah Ocalanî dir pêvînayîş kerdibi, ajansê ma rê wina qisey kerd.

 

'Pêvînayîşê min ê bi Rayber Apo seba mi bi roşnayîyêke pîl'

 

Xanime destpêkê qiseykerdişê xo de bale ant serê vînayîşê Rayberê PKKyî Abdullah Ocalan û wina vat: "Ma verê tîya de mendêne, la dimayê nê min û keyeyê xo ma verê xo da Paytextê Sûrîye, Şam. Mi o wext nêzanayîne embazî çîyê û ça manenê. Mi dî ke keyeyê mi vat, do embazî bêrê verê ma, la hîç mi nêzanayîne kam ê. Dimayê wextêke mi partî nas kerd, wo wext xeylêk embazî şîne û ameyîne verê ma la mi înan dir têilî nêdabi ro. La dima ra her tim verê mi de behsê serekî ameyîne kerdiş. Serê fikr û felsefeyê ey de derûdorê mi de qiseykerdiş ameyîne kerdiş.  O wext zaf meraqêke virazya ke ez serekî bivînî. Dima ra hîn embazê cinî ke serekî dir mendê ameyî verê ma û qalê tevgerê xo kerdî ke bi çi rengî rêxistin yeno kerdiş. Bi rastî ez zaf bi meraq û roşnayî de bîya ke bizanî  rewşa na rêxistine bi çi şeklî ya. Pêvînayîşê min ê bi Rayber Apo seba mi bi roşnayîyêke pîl. Coka ma hêvî kenê ke demêk kilm de bireso azadîya xo ya fîzîkî."

 

'Mi wexto ke Rayber Apo dî mi bi çimanê xo bawer nêkerd'

 

Xanime dewam de wina vat: "Wexto ke ez keye de bîya, hîn embazî ameyî verê mi û mi ra vatî ma do şêrê cayêk. O wext ganî mi nêzanayîne ke înan mi benê ça. Demêk derbas bi mi dî embazê cinî vanê do kombîyayîş bêro kerdiş. Seba nê ma pêroyî tîya de kom bîyê. Dimayê nê ma bi pêroyî kewtî keyeyêk pîl, tabloyêk sipî bi, fotografê cinîyan, beyraqê cinîyan estbi." 

 

Mi derûdorê xo ra ewnîya ke embazê derûdorê mi kewtê mîyanê kelecanî û xeylêk kêfweş ê, dima ra mî dî ke Rayber Abdullah Ocalan kewt zere. O wext bi rastî mi nêzanayîne vajî çi. Demo ke vatî serek ameyo do ma rê kombîyayîş virazno, ez şoq de menda. Mi bi rastî çimanê xo ra bawer nêkerdêne. Seba ke merdim wexto ke çim fîneno ey, xeylêk çîyan xeyal keno. Bawer bikerê tu merdim sey ey nîyo."

 

'Rayber Apo wayîrê xeylêk taybetmendîyê cîya yo'

 

Xanime vat, Rayberê PKKyî Abdullah Ocalan rastî de sey her camêrdî nîyo û vat: "Rayber Apo wayîrê xeylêk taybetmendîyê cîya û girîng bi. Seba her wext zerrîya xo de cayêk taybet dano roniştiş. Her het ra wazeno cinî û komelî bi fikir û felsefeyê xo aver bero. Serek baş zanayîne ke îqtîdarê ke serê camêrdan de ameyîne kerdiş, bîne sebebêke pîl ke serdestîyê serê cinî û komelî de bikero. Sewbîna bi rastî serekî demo mi dir qisey kerd vat, ti cinîyêke ciwan a ganî ti bi hêz ameyoxê xo rê biewnê. Bawerîya ke mi vatişê ey de dî, mi tu cayêk de nêdî. Huyayîşê ey moral dayîne her kesî, tutêke qij ra bigî, heta merdimêke emr pîl. Ey seba herre, welat û şarê xo fedekarîyê tewr pîl kerdêne. Sewbîna no tecrîd serê ey de ameyo ferzkerdiş û bi rojan o tewr giran beno, ez bi giranî şermezar kena. Tu kes sey Rayber Apo çin o ke komelê xo ra hes bikero û cinî aver bero." 

 

'Rojbîyayîşê Rayber Apo rojbîyayîşê şarê aştîwaştoxan o'

 

Xanime tewr peyîn wina vat: "Rayber Apo Rayberê temamê şaran o, seba azadîya welatê xo, xo feda keno. Seba nê rojbîyayîşê Rayber Apo rojbîyayîşê ma temamê şaran o. Ez rojbîyayîşê Rayberê Şaran heme kesê aştîwaştoxan, n cangoriyê azadî û temamê cinîyê  pêşeng pîroz kena. Do 4ê Nîsane bibo azadîya fîzîkî ya Rayber Apo."